მე არ ვლაპარაკობ, რომ ევროპა არ მინდა, მე არ მინდა ისეთი ევროპა, ვინც მაძალებს, რომ უკანონობას ვეზიარო, - ამის შესახებ ანტიდასავლური მოძრაობა "ხალხის ძალის" წევრმა, მიხეილ ყაველაშვილმა განაცხადა. 

როგორც ყაველაშვილმა საკომიტეტო სხდომაზე აღნიშნა, სადაც „უცხოური აგენტების შესახებ“ კანონპროექტს განიხილავენ, ქვეყნის წინააღმდეგ არასდროს წასულა და ამის უფლებას საკუთარ თავს არც მისცემს. 

"მე არ ვლაპარაკობ, რომ ევროპა არ მინდა, მე არ მინდა ისეთი ევროპა, ვინც მაძალებს, რომ უკანონობას ვეზიარო. დიახაც, არ მინდა! აი, ეს არის ჩემი ნათქვამი და ეს არის ჩემი ღირსება და ნუ მასწავლით, რა. მიხეილ სააკაშვილის გათავისუფლება ევროპაა? სირცხვილია ეგეთი ევროპა. მე ქვეყნის წინააღმდეგ არასდროს წავსულვარ და ვერ მივცემ ჩემ თავს უფლებას, რომ ასეთი აღვირახსნილი პროცესები, რაც დღეს ვნახეთ [მიმდინარეობდეს]. მე მინდა ღირსეული ევროპა",- განაცხადა ყაველაშვილმა. 

შეგახსენებთ, რომ დღეს საქართველოს პარლამენტი საკომიტეტო სხდომაზე „უცხოური აგენტების შესახებ“ კანონპროექტს განიხილავს. არასამთავრობო სექტორმა და მედიის წარმომადგენლებმა საკანონმდებლო ორგანოში აქცია გამართეს და სხდომაზე "ქართული ოცნების" და "ხალხის ძალის" წევრები შეძახილებით შეაცილეს. სიტუაცია არა ერთხელ დაიძაბა და სიტყვიერ და ფიზიკურ დაპირისპირებაში გადაიზარდა. 

ავტორი: ექსპრესნიუსი,

სოციალური ქსელები

ვიტკოფი ირანთან მოლაპარაკებებისთვის კატარში გაფრინდა

შეერთებული შტატები 40 წლის შემდეგ პირველად შექმნის ახალ ბირთვულ ქობინს

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post