აშშ-ის პრეზიდენტს ჯო ბაიდენს და მისი ოჯახის წევრებს რუსეთში პენზას რეგიონის ტერიტორიაზე შესვლა აეკრძალათ. ბრძანებას ხელი მოაწერა რეგიონის გუბერნატორმა ოლეგ მელნიჩენკომ.
„ჩვენი რეგიონი არ მიესალმება თავის ტერიტორიაზე ადამიანებს, რომელთა ხელშია ათიათასობით მშვიდობიანი მოქალაქის სისხლი, რომლებიც საკუთარ თავს აძლევენ უფლებას პირდაპირ შეურაცხყოფა მიაყენონ რუსეთის და მის მოსახლეობას. ჩვენ არ გვჭირდება ასეთი ხალხი“, - წერს ის ტელეგრამის არხზე.
თუმცა ბაიდენი პენზას რეგიონში მელნიჩენკოს ბრძანებამდეც ვერ მოხვდა. მას რუსეთში შესვლა ჯერ კიდევ 2022 წლის მარტში აუკრძალეს. შესაბამისი განცხადება რუსეთის საგარეო საქმეთა სამინისტროს ვებგვერდზე გამოქვეყნდა.
„ეს ნაბიჯი, საპასუხო რეაქციად გადადგმული, გარდაუვალი შედეგი იყო აშშ-ს ამჟამინდელი ადმინისტრაციის უკიდურესად რუსოფობიური კურსის, რომელიც ამერიკის ჰეგემონიის შენარჩუნების სასოწარკვეთილი მცდელობისას, ყოველგვარი წესიერების უგულებელყოფით, რუსეთის ფრონტალურ შეკავებას აყენებს. .”
ბაიდენი არ არის პირველი, ვისაც რუსეთის გარკვეულ რეგიონებში შესვლა აუკრძალეს. 2014 წლის ივლისში ჩეჩნეთის რესპუბლიკის ხელმძღვანელმა რამზან კადიროვმა შექმნა სანქციების საკუთარი სია და მასში შეიყვანა აშშ-ის მაშინდელი პრეზიდენტი ბარაკ ობამა. მან მას და სიის სხვა წევრებს რეგიონის ტერიტორიაზე შესვლა აუკრძალა და „საბანკო ანგარიშებისა და ნებისმიერი ქონების გაყინვა დაავალა“. 2016 წელს კრემლმა რუსეთში აშშ-ის ყოფილ ელჩს მაიკ მაკფოლს სანქციები დაუწესა.

ავტორი: ექსპრესნიუსი,

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა