კანონპროექტი უარყოფითად იმოქმედებს ნორვეგია-საქართველოს თანამშრომლობაზე,- ასე ეხმაურება ნორვეგიის საგარეო საქმეთა სამინისტრო მოძრაობა "ხალხის ძალის" მიერ დარეგისტრირებულ კანონპროექტს "უცხოურ გავლენის აგენტებზე".

სამინისტრო პარალემნტარებს მოუწოდებს, არ წავიდნენ ქართველი ხალხის ევროპული მისწრაფების წინააღმდეგ და არ მიიღონ ეს კანონი. 

"შემაშფოთებელია საკანონმდებლო პროექტი, რომელიც სამოქალაქო საზოგადოების ინსტიტუტს „უცხოური აგენტად“ განსაზღვრავს. ეს არის ქართველი ხალხის მტკიცე ევროპული მისწრაფებებისა და ადამიანის უფლებების ვალდებულებები წინააღმდეგ. ეს [კანონპროექტი] უარყოფითად იმოქმედებეს ნორვეგია-საქართველოს ურთიერთობაზე. ნორვეგია მოუწოდებს კანონმდებლებს იმოქმედონ დემოკრატიული ინტერესების მიხედვით",- აღნიშნულია განცხადებაში.

ცნობისთვის, "ხალხის ძალის" წარმომადგენლებმა 15 თებერვალს გამართულ საგანგებო ბრიფინგზე განაცხადეს, რომ პარლამენტში „უცხოური გავლენის გამჭვირვალობის შესახებ“ კანონპროექტს დააინიცირებენ. ანტიდასავლურ მოძრაობაში ამბობენ, რომ შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა ამერიკის შეერთებული შტატების სახელმწიფო დეპარტამენტის პრესსპიკერი ნედ პრაისი, რომელმაც განაცხადა, რომ "ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას". 

ამასთან, როგორც გუშინ მმართველი პარტიის დეპუტატმა, მამუკა მდინარაძემ განაცხადა "ქართული ოცნება" „უცხოური აგენტების შესახებ“ შესახებ კანონპროექტს მხარს დაუჭერს.

ავტორი: ექსპრესნიუსი,

სოციალური ქსელები

ტრამპმა უკრაინაში ომის დასრულების მოლაპარაკებებში მნიშვნელოვანი პროგრესი გამოაცხადა და მკაცრად გააკრიტიკა ზელენსკი

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც