ყველა დეპუტატი ვინც ხმას მისცემს ხალხის ძალის შემოტანილ კანონს უნდა დასანქცირდეს,- ამის შესახებ "ნაციონალური მოძრაობის" დეპუტატი, ანი წითლიძე სოციალურ ქსელში წერს.

მისი თქმით, აღნიშნული სიის სათვეში "ხალხის ძალის" წევრები უნდა იყვნენ. 

"ყველა დეპუტატი ვინც ხმას მისცემს ხალხის ძალის შემოტანილ კანონს უნდა დასანქცირდეს.

სიის სათვეში "ხალხის ძალის" წევრები უნდა იყვნენ. არ უნდა შეეძლოთ ევროპაში და აშშ მოგზაურობა, სწავლა, სამსახური, ბიზნესი არც მათ, არც მათი ოჯახის წევრებს.

ევროპულ ღირებულებებს ამ ქვეყაში კლავდნენ და ღუდუშაური აშშ ისვენებდეს სად მოსულა. სანამ ასე კონკრეტულად არ შეეხებიან ჩვენი საერთაშორისო პარტნიორები მანამდე იზამენ ყველაფერს რაც უნდათ",- წერს წითლიძე.

ცნობისთვის, "ხალხის ძალის" წარმომადგენლებმა 15 თებერვალს გამართულ საგანგებო ბრიფინგზე განაცხადეს, რომ პარლამენტში „უცხოური გავლენის გამჭვირვალობის შესახებ“ კანონპროექტს დააინიცირებენ. ანტიდასავლურ მოძრაობაში ამბობენ, რომ შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა ამერიკის შეერთებული შტატების სახელმწიფო დეპარტამენტის პრესსპიკერი ნედ პრაისი, რომელმაც განაცხადა, რომ "ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას". 

ამასთან, როგორც გუშინ მმართველი პარტიის დეპუტატმა, მამუკა მდინარაძემ განაცხადა "ქართული ოცნება" „უცხოური აგენტების შესახებ“ შესახებ კანონპროექტს მხარს დაუჭერს.

ავტორი: ექსპრესნიუსი,

სოციალური ქსელები

21 ოქტომბრიდან სეზონური გრიპის საწინააღმდეგო ვაქცინაცია დაიწყება - აცრა ყველა მოქალაქისთვის უფასოა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, თელავში 22 მეწარმე გადამზადდა

დევნილთა ფულადი კომპენსაციის მისაღებად განაცხადების მიღება დღეს დაიწყო და 2 ნოემბრის ჩათვლით გაგრძელდება

მილანში ახალგაზრდების პროტესტი არეულობაში, ძარცვასა და ცეცხლის წაკიდებაში გადაიზარდა