მის სიტუაციას ყურადღებით ვადევნებ თვალყურს, მოვუწოდებ ყველას ჰუმანური მოპყრობისა და მისი უფლებების დაცვისკენ, - ასე გამოეხმაურა ამერიკელი სენატორი რიჩარდ დურბინი, საქართველოს მესამე პრეზიდენტის მიხეილ სააკაშვილის ჯანმრთელობის მდგომარეობას.

მისივე თქმით, ის მიხეილ სააკაშვილის ჯანმრთელობასთან დაკავშირებულ ანგარიშებს კითხულობს და მისთვის ცნობილია, რომ მიხეილ სააკაშვილის ჯანმრთელობის მდგომარეობა უარესდება, აქედან გამომდინარე ის საქართველოს მთავრობას მოუწოდებს დაიცვას მიხეილ სააკაშვილის უფლებები და მიეცეს მას შესაბამისი მკურნალობის შესაძლებლობა.  

"20 წელია, მე მას პირადად ვიცნობ. ადრე, როცა პრეზიდენტი იყო, ხშირად მსტუმრობდა. მის, ამ ბოლო სიტუაციას ყურადღებით ვადევნებ თვალყურს. არ მაქვს ინფორმაცია სამართლებრივი ბრალდებების შესახებ, არც სამედიცინო კუთხით ვარ ექსპერტი, რომ ამაზე ვისაუბრო. თუმცა ვკითხულობ ანგარიშებს ამასთან დაკავშირებით და ვიცი, რომ მისი მდგომარეობა უარესდება. მოვუწოდებ ყველას ჰუმანური მოპყრობისა და მისი უფლებების დაცვისკენ. მას, როგორც ნებისმიერ პატიმარს, უნდა გაეწიოს სათანადო სამედიცინო დახმარება", - განაცხადა დურბინმა.

ავტორი: ექსპრესნიუსი,

სოციალური ქსელები

21 ოქტომბრიდან სეზონური გრიპის საწინააღმდეგო ვაქცინაცია დაიწყება - აცრა ყველა მოქალაქისთვის უფასოა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, თელავში 22 მეწარმე გადამზადდა

დევნილთა ფულადი კომპენსაციის მისაღებად განაცხადების მიღება დღეს დაიწყო და 2 ნოემბრის ჩათვლით გაგრძელდება

მილანში ახალგაზრდების პროტესტი არეულობაში, ძარცვასა და ცეცხლის წაკიდებაში გადაიზარდა