გაძლევთ პირობას, ყველა ქალაქში, ყველა სოფელში მოვალ და ყველა სახლზე დავაკაკუნებ, მე და ჩემი გუნდი ვიქნებით ის ადამიანები, ვინც უზრუნველყოფს მთელი საქართველოდან პროტესტის მობილიზებას დედაქალაქში, - ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა მთავრობის ადმინისტრაციასთან მიმდინარე აქციაზე განაცხადა. 

ხაბეიშვილის თქმით, დედაქალაქშია აქცია იქნება ბევრად მასშტაბური და შეძლებენ მიაღწიონ მიზანს - გაათავისუფლონ ციხიდან საქართველოს მესამე პრეზიდენტი მიხეილ სააკაშვილი. 

"მე მინდა თითოეულ თქვენგანს მივცე პირობა და ამას ვაკეთებ ყველგან სადაც ჩავდივარ - ვარწმუნებ, რომ ეს არის უკომპრომისო და საბოლოო ბრძოლა გამარჯვებამდე. მანამ, სანამ შედეგ არ გამოიღებს ეს ბრძოლა. გაძლევთ პირობას, ყველა ქალაქში, ყველა სოფელში მოვალ და ყველა სახლზე დავაკაკუნებ. მე და ჩემი მეგობრები და გუნდი ვიქნებით ის ადამიანები, ვინც უზრუნველყოფს მთელი საქართველოდან პროტესტის მობილიზებას დედაქალაქში. ეს იქნება ორგანიზებული და გამარჯვებაზე მოტივირებული ბრძოლა. ჩემო ძვირფასებო, დაგველოდეთ და თვალყური გვადევნეთ, დაგველოდეთ და დაგვთვალეთ, ოღონდ მოიმარჯვეთ ხელში ბევრი კალკულატორი, იმიტომ რომ დაგჭირდებათ ძალიან მალე. მთელის აქართველო ჩვენ ვიქნებით და გავიმარჯვებთ და დავიხსნით პრეზიდენტ სააკაშვილს",- განაცხადა ხაბეიშვილმა.  

შეგახსენებთ, რომ მთავრობის ადმინისტრაციასთან საქართველოს მესამე პრეზიდენტის საზღვარგარეთ სამკურნალოდ გადაყვანის მოთხოვნით საპროტესტო აქცია მიმდინარეობს. აქციის ორგანიზატორი რუსი უფლებადამცველი და ბლოგერი მარკ ფეიგინია. 

თბილისის გარდა, საპროტესტო აქცია მიმდინარეობ ბათუმში და ასევე, მსოფლიოს 20 სხვადასხვა ქვეყანაში.

ავტორი: ექსპრესნიუსი,

სოციალური ქსელები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს

თიბისი ემიგრანტებისთვის - რა პროდუქტებს სთავაზობს ბანკი საზღვარგარეთ მცხოვრებ საქართველოს მოქალაქეებს

21 ოქტომბრიდან სეზონური გრიპის საწინააღმდეგო ვაქცინაცია დაიწყება - აცრა ყველა მოქალაქისთვის უფასოა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, თელავში 22 მეწარმე გადამზადდა