გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი შვედეთის სამეფოს ელჩის მოადგილეს საქართველოში ერიკ ილესს, ევროკავშირის წარმომადგენლობის კავშირის, ენერგიის, გარემოს დაცვისა და კლიმატის ცვლილების სექტორის კოორდინატორს ალექსანდრე დარასს და შვედეთის საელჩოს გარემოსდაცვითი პროგრამის ხელმძღვანელს, ხათუნა ზალდასტანიშვილს შეხვდა.

გარემოს დაცვისა და სოფლის მეურნეობის სამინისტროში გამართულ შეხვედრაზე მხარეებმა ცირკულარული ეკონომიკის განვითარების მიმართულებით თანამშრომლობის საკითხები განიხილეს.

სოლომონ პავლიაშვილმა მადლობა გადაუხადა შვედეთის მთავრობას თანამშრომლობისა და ფინანსური მხარდაჭერისთვის და ყურადღება საქართველოს ცირკულარობის დონის შეფასების დოკუმენტის შექმნის მნიშვნელობაზე გაამახვილა. აღნიშნა, რომ შვედეთის მხარესთან კოორდინაციით მოხდა ე.წ. დარუკება. მაკროეკონომიკის და სექტორალურ დონეზე შესწავლილი იქნა თუ როგორია ცირკულარობის დონე. შემდეგ ეტაპზე შემუშავდება სტრატეგია.

როგორც მინისტრის მოადგილემ აღნიშნა, ქვეყანაში მწვანე ეკონომიკის განვითარების ხელშესაწყობად მნიშვნელოვანია სწორედ ცირკულარული ეკონომიკის სტრატეგიის შემუშავება, ასევე კერძო სექტორის გაძლიერება. საუბარი შეეხო ქვეყანაში ნარჩენების გადამმუშავებელი საწარმოების შექმნისა და განვითარების მნიშვნელობის საკითხებს.

„საქართველოში ცირკულარული ეკონომიკის განვითარების შესაძლებლობები განვიხილეთ. ვიმსჯელეთ, თუ როგორ უნდა გამოვხატოთ მხარდაჭერა საქართველოს მთავრობის, კერძო სექტორისა და სამოქალაქო საზოგადოების მიმართ. რასაკვირველია, გვაქვს ჩვენი ხედვები, მოსაზრებები და მათგან საუკეთესო ვერსიაზე შევჯერდებით“, - აღნიშნა შვედეთის სამეფოს ელჩის მოადგილეს საქართველოში, ერიკ ილესმა.

ალექსანდრე დარასმა ნარჩენების მართვის კუთხით ქვეყანაში არსებული ვითარების შესახებ ისაუბრა  და აღნიშნული მიმართულებით თანამშრომლობის მზაობა დაადასტურა.

ავტორი: NS (სტატია დაფინანსებულია),

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს