კანონპროექტის მიღებას შემზარავი ეფექტი ექნება,- ასე გამოეხმაურა ევროსაბჭოს საპარლამენტო ასაბლეა უცხოური აგენტების შესახებ" "ხალხის ძალის" მიერ მომზადებულ კანონპროექტს.

როგორც PACE-ის განცხადებაში ვკითხულობთ, ფრაქციის მიერ წარმოდგენილი კანონპროექტი იწვევს შეშფოთებას, მის დემოკრატიულ და ადამიანის უფლებათა სტანდარტების თავსებადობასთან მიმართებაში.

"შეშფოთებას იწვევს ფრაქცია „ხალხის ძალის“ მიერ წარმოდგენილი კანონპროექტი „უცხოური გავლენის გამჭირვალეობის შესახებ“, მის დემოკრატიულ და ადამიანის უფლებათა სტანდარტების თავსებადობასთან მიმართებაში, ამის შესახებ ევროკავშირის ევროპის საბჭოს საპარლამენტო ასამბლეის მომხსენებლებმა საქართველოს საკითხებში, კლოდ კერნმა და ედიტ ესტრელამ ისაუბრეს. მათ ასევე მოუწოდეს საქართველოს ყველა სხვა პოლიტიკურ ფრაქციას, მხარი არ დაუჭირონ ამ კანონპროექტს, რომელსაც მიღების შემთხვევაში უმძიმესი ეფექტი ექნება",- აღნიშნულია განცხადებაში.

შეგახსენებთ, "ხალხის ძალის" წარმომადგენლებმა 15 თებერვალს გამართულ საგანგებო ბრიფინგზე განაცხადეს, რომ პარლამენტში „უცხოური გავლენის გამჭვირვალობის შესახებ“ კანონპროექტს დააინიცირებენ. ანტიდასავლურ მოძრაობაში ამბობენ, რომ შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა ამერიკის შეერთებული შტატების სახელმწიფო დეპარტამენტის პრესსპიკერი ნედ პრაისი, რომელმაც განაცხადა, რომ "ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას". 

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს