თურქეთის სამხრეთში მომხდარი დამანგრეველი მიწისძვრების ზონაში სამძებრო-სამაშველო ოპერაციებში 82 ქვეყნის სამაშველო ჯგუფები მონაწილეობენ, მათ შორის საქართველოდან.

ამის შესახებ თურქეთის საგარეო საქმეთა სამინისტროს ტვიტერზე გამოქვეყნებულ განცხადებაშია ნათქვამი.

სტიქიის შემდეგ ანკარას დახმარება სულ 100-მა ქვეყანამ შესთავაზა, ნათქვამია განცხადებაში.

საგარეო საქმეთა სამინისტროში განმარტავენ, რომ ამ დროისთვის სტიქიის ზონაში უცხოეთიდან 9046 მაშველია ჩართული. დეპარტამენტში დასძინეს, რომ მოსალოდნელია მაშველების ჩამოსვლა კიდევ ორი ​​ქვეყნიდან.

თურქეთსა და სირიაში მიწისძვრის შედეგად დაღუპულთა რაოდენობამ 41 000-ს გადააჭარბა, - აღნიშნულის შესახებ ინფორმაციას თურქული გამოცემა Anadolu ავრცელებს.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

ამასთან, ბოლო მონაცემებით, თურქეთში მიწისძვრის შედეგად საქართველოს 5 მოქალაქე დაიღუპა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს