2023-02-13 14:02:57, 696 ნახვა
სხვადასხვა
თურქეთის ჰათაის მცხოვრები მიწისძვრიდან 176 საათის შემდეგ გადაარჩინეს
სამხრეთ თურქეთში, ჰატაის პროვინციაში, მაშველებმა მიწისძვრიდან 176 საათის შემდეგ ქალის ნანგრევებიდან ამოყვანა მოახერხეს. გადარჩენის ოპერაცია შესაძლებელი გახდა მიუხედავად დაბალი ტემპერატურისა და შენობის ნანგრევების ქვეშ. ქალაქ ანტაკიაში მცხოვრები სერაპ დონმეზი ჯაბრაილის კვარტალში ჩამონგრეული ერთ-ერთი სახლის ნანგრევებიდან გამოიყვანეს. გადარჩენილი ქალის დანახვაზე მაშველებმა სიხარულის ცრემლები ვერ შეიკავეს. ქალი პირველადი დახმარების გაწევის შემდეგ საავადმყოფოში გადაიყვანეს. თურქეთსა და სირიაში მიწისძვრის შედეგად დაღუპულთა რაოდენობამ 34 179-ს მიაღწია,- აღნიშნულის შესახებ ინფორმაციას CNN-ი ოფიციალურ პირებზე დაყრდნობით ავრცელებს. შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა. მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო. გარდა ამისა, სტიქიური მოვლენის შემდეგ თურქეთში 7 დღიანი გლოვაა გამოცხადებული, მთელი თურქეთის მასშტაბით სახელმწიფო დროშები დაეშვა.
ავტორი: ექსპრესნიუსი, |
ომი უკრაინაშიუკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|