საბჭოთა ჯალათობა წულუკიანების ოჯახური ტრადიციაა. ძალიან ცოტა დრო გრჩებათ, ქ-ნო თეა - ჯალათების დრო იწურება, უკრაინა გაიმარჯვებს, საქართველო გათავისუფლდება და თქვენს სახელს ასე დაიმახსოვრებს ისტორია - ჯალა-თეა, - ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა განაცხადა.

ხაბეიშვილმა ცოტა ხნის წინ გამართულ საგანგებო ბრიფინგზე განაცხადა, რომ კვლავ ძალაშია ხელისუფლებასა და კულტურის სამინისტროს მიმართ "ნაციონალური მოძრაბის" შეთავაზება, რომლის მიხედვითაც, ოპოზიციური პარტია მზად არის, გელათთან დაკავშირებით საუკეთესო სპეციალისტები ჩამოიყვანონ და აღნიშნულის ფინანსური უზრუნველყოფაც მოახდინონ.

"გელათი არის საქართველოს გაერთიანების და ყველაზე დიდი ქართველი მეფის, დავით აღმაშენებლის ეპოქის მთავარი სიმბოლო. გელათი სვეტიცხოველთან ერთად, არის მსოფლიო მნიშვნელობის კულტურული მემკვიდრეობის ძეგლი და სწორედ გელათი და სვეტიცხოველი არის მსოფლიო კულტურულ რუკაზე საქართველო. ის, ვინც საქართველოს გასაბჭოების შემდეგ მრავალი ასეული ქართული  ეკლესია დაანგრია, საბჭოთა ჯალათია. ის, ვისაც მიაჩნია, რომ უკრაინაში საბჭოთა კავშირის აღდგენის სურვილით მოწყურებულ ომში, რუსეთი ანუ ბოროტება გაიმარჯვებს და პარალელურად, საქართველოში ანგრევს გელათს, საბჭოთა ჯალათია. სამწუხაროდ, საბჭოთა ჯალათობა წულუკიანების ოჯახური ტრადიციაა. ძალიან ცოტა დრო გრჩებათ, ქ-ნო თეა - ჯალათების დრო იწურება, უკრაინა გაიმარჯვებს, საქართველო გათავისუფლდება და თქვენს სახელს ასე დაიმახსოვრებს ისტორია - ჯალა-თეა. შესაბამისად, დღეს ჩვენთა სამწუხაროდ, ამ ჯალათებისთვის გვიწევს შეთავაზება კიდევ ერთხელ და საზოგადოებამ უნდა იცოდეს ჩვენი შეთავაზების შესახებ, რომ ჩვენ მზად ვართ, გელათთან დაკავშირებით, მსოფლიოს საუკეთესო სპეციალისტები, პროფესიონალები ჩამოვიყვანოთ საქართველოში, ამის უზრუნველყოფა მოვახდინოთ მათ შორის ფინანსურადაც და გადავარჩინოთ გელათის ის ნაწილი, რაც ამ დრომდე  ვერ გაანადგურა ქალბატონმა ჯალა-თეამ. მოვუწოდებ კულტურის სამინისტროს გმირ თანამშრომლებს, რომლებიც წერენ კრიტიკულ დასკვნებს, არ შეგეშინდეთ, თქვენ გვერდით ვართ... უნდა გავდევნოთ ჯალათებიც, წულუკიანებიც, მაჯლაჯუნებიც და ეშმაკებიც გელათიდან", - განაცხადა ხაბეიშვილმა საგანგებო ბრიფინგზე.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს