მე ვხედავ, რომ პრეზიდენტის განცხადებებში "ნაცმოძრაობის" პროპაგანდა იკვეთება, ვინაიდან რეალობას არ შეესაბამება, - ასე აფასებს "ქართული ოცნების" დეპუტატი გიორგი ვოლსკი რუსეთ-უკრაინის ომზე მმართველი პოლიტიკური გუნდის გზავნილებთან დაკავშირებით პრეზიდენტ სალომე ზურაბიშვილის განცხადებას. 

როგორც ვოლსკიმ მედიის წარმომადგენლებთან საუბრისას აღნიშნა, ქვეყნის მთავარსარდლის განცხადება შეუსაბამო და მავნებლურია.

"არაადეკვატური განცხადებაა, შეუსაბამო განცხადებაა, ვითარებასთან შეუსაბამო განცხადებაა, მავნებლური განცხადებაა, რასაც პრეზიდენტი ამბობს "ქართულ ოცნებასთან" დაკავშირებით და ხელისუფლებასთან დაკავშირებით, ზოგადად... ალბათ, სჭირდება თავისი პოლიტიკური რენომესთვის. ალბათ, მომავალში რაღაც პოლიტიკური გეგმები აქვს, მიზნები აქვს, თავისი ცხოვრების გზას სხვაგვარად უყურებს", - ამბობს ვოლსკი. 

შეგახსენებთ, გუშინ, 9 თებერვალს პრეზიდენტმა, სალომე ზურაბიშვილმა თქვა, რომ მმართველი პარტიის გზავნილების "არც გაგება და არც გააზრება" შეუძლია. ზურაბიშვილის განცხადებით, "ჩვენი დეფეტიზმი უნისონშია მხოლოდ და მხოლოდ რუსეთის ნარატივთან, ეხმიანება მხოლოდ რუსეთის პროპაგანდას".

მანამდე, "ქართული ოცნების" თავმჯდომარემ, ირაკლი კობახიძემ აღნიშნა, რომ რუსეთ-უკრაინის ომში უპირატესობა რუსეთს აქვს.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს