საქართველოს რამდენიმე ქალაქში "ერთიანი ნაციონალური მოძრაობის" ორგანიზებით, მესამე პრეზიდენტის, მიხეილ სააკაშვილის მხარდამჭერი აქციები მიმდინარეობს. ოპოზიციური პოლიტიკური პარტიის წარმომადგენლები, აქტივისტები და მოქალაქეები დღეს, ქობულეთსა და მარტვილში შეიკრიბნენ.

აქციებზე შეკრებილები მიხეილ სააკაშვილის საზღვარგარეთ სამკურნალოდ გადაყვანას მოითხოვენ.

"მნიშვნელოვანია, რომ ყველა ქალაქსა და მუნიციპალიტეტში პროტესტი ისმოდეს იმ ადამიანების მხრიდან, ვინც რეალურად ხედავს ამ ქვეყანაში, თუ როგორ ცდილობს ხელისუფლება, გააქროს ყველაფერი, რაც დემოკრატიას უკავშირდება; როგორც ცდილობს, გააღარიბოს ადამიანები... მარტვილში მოქალაქეები აპროტესტებენ მიხეილ სააკაშვილის პატიმრობას და აცხადებენ, რომ მისი პატიმრობა ზიანის მომტანი არის პირველ რიგში ქვეყნისთვის", - უთხრა "ტვ პირველს" მარტვილში მიმდინარე აქციაზე ენმ-ის წარმომადგენელმა, გიორგი ბოტკოველმა.

დღესვე, აქციები დაგეგმილია სამტრედიაში, საგარეჯოსა და ასპინძაში.

აღსანიშნავია, რომ გუშინ, 9 თებერვალს ექსპრეზიდენტის მხარდამჭერი აქციები ხელვაჩაურში, ბორჯომში, სიღნაღსა და ზესტაფონში გაიმართა.

რეგიონებში გასვლამდე "ერთიანმა ნაციონალურმა მოძრაობამ" აქციები დედაქალაქში, პრემიერ-მინისტრ ირაკლი ღარიბაშვილის სახლთან, მთავრობის ადმინისტრაციასა და იუსტიციის სამინისტროსთან გამართა. 

ენმ-მა საპროტესტო აქციები მას შემდეგ დააანონსა, რაც თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. გადაწყვეტილება მოსამართლე გიორგი არევაძემ 6 თებერვალს მიიღო.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს