ირაკლი კობახიძე თავისი განცხადებით ცდილობს ღალატის და ლაჩრობის გამართლებას, რომ მარცხისთვის განწირული რუსეთის უძლეველობის მითი დაამკვიდროს, - ასე ეხმაურება "სტრატეგია აღმაშენებლის" ლიდერი გიორგი ვაშაძე "ქართული ოცნების" თავმჯდომარის განცხადებას, რომლის მიხედვითაც "ბოლო კვირებში უკრაინას დასახლება არ აუღია და ამ ეტაპზე უპირატესობა რუსეთს აქვს". 

ვაშაძემ მოსახლეობას კიდევ ერთხელ მოუწოდა, რომ 24 თებერვალს დაგეგმილ აქციას შეუერთდნენ, რათა გამოჩნდეს, რომ საქართველო ცივილიზებული სამყაროს გვერდით დგას. 

"ირაკლი კობახიძე თავისი განცხადებით ცდილობს ღალატის და ლაჩრობის გამართლებას, რომ დაამკვიდროს მარცხისთვის განწირული რუსეთის უძლეველობის მითი და იკადროს ისეთი რამ, რასაც რუსი პროპაგანდისტებიც არ ამბობენ - თითქოს, რუსეთს აქვს დიდი წარმატება ამ ომში. რატომ საუბრობს ამას ირაკლი კობახიძე? საკუთარ ბედს "ქართული ოცნება" უკავშირებს რუსეთის გამარჯვებას. ისინი არიან შეთქმულების მონაწილენი, საქართველოს ეროვნული ინტერესების წინააღმდეგ და სწორედ ამიტომ, 24 თებერვალს, ჩვენ უნდა შევიკრიბოთ რაც შეიძლება ბევრი და ვაჩვენოთ, რომ ქართველი ხალხის გზა არ არის ლაჩრობის, სიმხდალის, ღალატის გზა. რაც შეეხება ირაკლი კობახიძეს, მე მას ვუწინასწარმეტყველებ, რომ თავის თანაგუნდელებთან ერთად, იანუკოვიჩის გვერდით განლაგებულს ვნახავთ, რუსეთის ფედერაციაში. მოუწევთ იქით გაქცევა, რადგან ეს ღალატი, როგორც კი რუსეთი დამარცხდება, არ შერჩებათ არც ერთ შემთხვევაში", - განაცხადა გიორგი ვაშაძემ. 

შეგახსენებთ, რომ 24 თებერვალს, უკრაინაში სრულმასშტაბიანი ომი დაწყებიდან ერთი წლის თავზე, რუსთაველის გამზირზე უკრაინის მხარდამჭერი აქცია გაიმართება.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს