ამერიკის შეერთებული შტატები მიწისძვრის შედეგად დაზარალებულ რეგიონებს დამატებით 85 მილიონი აშშ დოლარით დაეხმარება. აღნიშნულ ინფორმაციას The Guardian-ი ავრცელებს. 

გამოცემის ინფორმაციით, ქვეყნის სახელმწიფო მდივანმა, ენტონი ბლინკენმა თურქეთის საგარეო საქმეთა მინისტრთან, მევლუთ ჩავუშოღლუსთან სატელეფონო საუბარი გამართა. საუბრის მთავარი თემა თურქეთისა და სირიისთვის დახმარების აღმოჩენა იყო. ბლინკენი დაინტერესდა, თუ რა ტიპის დახმარების გაწევა შეუძლია აშშ-ს დამანგრეველი მიწისძვრით დაზარალებული რეგიონებისთვის.

გამოცემის ცნობითვე, შეერთებული შტატების სახელმწიფო დეპარტამენტის სპიკერმა, ნედ პრაისმა თქვა, რომ აშშ მოუწოდებს სირიის პრეზიდენტს, ბაშარ ალ-ასადს, რომ ქვეყნის ყველა სასაზღვრო გამშვებ პუნქტზე ჰუმანიტარული ტვირთი დაუშვას.

შეგახსენებთ, თურქეთსა და სირიაში მიწისძვრის შედეგად დაღუპულთა რაოდენობამ 21 000-ს გადააჭარბა. ამ დროის მონაცემებით, თურქეთში სულ მცირე 17 674, ხოლო სირიაში 3 377 ადამიანი დაიღუპა. 

დამანგრეველი - 7.8 მაგნიტუდის სიმძლავრის მიწისძვრა თურქეთის სამხრეთ-აღმოსავლეთ ნაწილში, სირიის საზღვართან ახლოს 6 თებერვალს მოხდა. აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა მოხდა. მიწისქვეშა ბიძგების ეპიცენტრი ამჯერად ქვეყნის ცენტრალურ ნაწილში იყო.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს