თურქეთის შეიარაღებულმა ძალებმა „დახმარების საჰაერო დერეფანი“ გახსნეს დამანგრეველი მიწისძვრის ზონაში, რომლის ეპიცენტრი სამხრეთ-აღმოსავლეთ პროვინცია კაჰრამანმარაში იყო.

7,8 მაგნიტუდის სიმძლავრის მიწისძვრა თურქეთის ათი პროვინციის მცხოვრებლებმა იგრძნეს. სამძებრო-სამაშველო სამუშაოები ბევრ რაიონში გრძელდება.

თურქეთის ეროვნული თავდაცვის სამინისტრომ განაცხადა, რომ ხელს უწყობს სამაშველო ჯგუფების შეუფერხებლად გადაყვანას სტიქიის ზონაში.

სამაშველო ჯგუფები და აღჭურვილობა დაზარალებულ რაიონებში ასევე გადაყვანილია სატრანსპორტო თვითმფრინავებით, მათ შორის თურქეთის შეიარაღებული ძალების A400M ტიპის თვითმფრინავებით.

შექმნილ „საჰაერო დახმარების დერეფანს“ მიჰყვება სასწრაფო დახმარების მანქანები მძიმედ დაშავებულებით.

თურქეთის ეროვნული თავდაცვის მინისტრი ჰულუსი აკარი, თურქეთის შეიარაღებული ძალების გენერალური შტაბის უფროსი, გენერალი იასარ გიულერი და თურქეთის სახმელეთო ჯარების სარდალი გენერალი მუსა ავსევერი სტიქიის ზონაში წავიდნენ.

„კრიზისული ცენტრი გაძლიერებულ რეჟიმში მუშაობს. თვითმფრინავები გამოიყენება ექიმების, მაშველების და დამხმარე აღჭურვილობის გადასაყვანად“, - განაცხადა თავდაცვის დეპარტამენტის უფროსმა.

არახელსაყრელი ამინდის გარდა, თვითმფრინავების დაშვება გართულებულია ასაფრენი ბილიკის დაზიანებით რამდენიმე აეროპორტში, თქვა აკარმა. ”ჩვენ ყველაფერს ვაკეთებთ იმისთვის, რომ რაც შეიძლება მალე მივაწოდოთ ყველაფერი, რაც გჭირდებათ”, - ხაზგასმით აღნიშნა მან.

მინისტრის თქმით, მიწისძვრის შედეგად სამი თურქი სამხედრო დაიღუპა, არიან დაშავებულები. ზარალის სტატისტიკა სრულდება, თქვა ჰულუსი აკარმა.

თურქეთის თავდაცვის სამინისტროს ხელმძღვანელმა ასევე განაცხადა, რომ მიწისძვრის შემდეგ მას დაურეკეს და განაცხადა, რომ არაერთი მეგობარი და მოკავშირე ქვეყნების კოლეგები მზად არიან დახმარებისთვის.

შეგახსენებთ, თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსრიდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო. 

მიწისძვრის შედეგად დანგრეული შენობების ნანგრევებიდან ადამიანების გამოსაყვანად სამაშველო ოპერაციები ამ დრომდე მიმდინარეობს.​

თურქეთში და სირიაში დაღუპულთა საერთო რაოდენობამ 1200-ს გადააჭარბა.

ავტორი: ექსპრესნიუსი,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა