2023-02-02 15:16:12, 770 ნახვა
პოლიტიკა
ის, რაც ჩვენს ზურგს უკან ხდება, დანაშაულია და არ შევეგუებით - სამი პარტია აბაშიძე-კარასინის ჩანაწერზე
ის, რაც ხდება ჩვენს ზურგს უკან, არის დანაშაული და არავითარ შემთხვევაში არ შევეგუებით,- ასე გამოეხმაურა გაერთიანებული ოპოზიციის ნაწილი - „გირჩი-მეტი თავისუფლება“, „სტრატეგია აღმაშენებელი“ და „დროა“ აბაშიძე-კარასინის მედიაში გავრცელებულ აუდიოჩანაწერს.
სამი პარტია მიიჩნევს, რომ ჩანაწერი ხაზსს უსვამს, რომ რუსეთი საქართველოს მთავრობით კმაყოფილია.
"აქ არის საუბარი არა საქართველოს ინტერესებზე, არა ჩვენ ოკუპაციაზე, არა ჩვენ ინტერესების დაცვაზე, არა იმ ბოროტებზე, რასაც სჩადის რუსეთი. არამედ, ლაპარაკია რუსეთის მხრიდან საქართველოს მთავრობის კმაყოფილებაზე, რაღაცა საკუთარი კონკრეტული ინტერესების შესახებ",- განაცხადა ელენე ხოშტარიამ გამართულ ბრიფინგზე.
ცნობისთვის, აბაშიძე-კარასინის სატელეფონო საუბრის ჩანაწერი "კიბერ კმარაზე" 1-ელ თებერვალს გავრცელდა.
ავტორი: ექსპრესნიუსი,
epn.ge (@expressnews.ge)
