2024 წლის საპრეზიდენტო არჩევნებისთვის აშშ-ის ყოფილმა პრეზიდენტმა, დონალდ ტრამპმა წინასაარჩევნო კამპანია დაიწყო.

ტრამპი პირველად ნიუ-ჰემფშირს ეწვია, სადაც განაცხადა, რომ მისი თავმჯდომარე სტივენ სტეპანეკი საარჩევნო კამპანიას ზედამხედველობას გაუწევს. ამის შემდეგ ტრამპი სამხრეთ კაროლინაში გაემგზავრა.

"ჩვენ ვიწყებთ. ჩვენ ვიწყებთ სწორედ აქ, როგორც პრეზიდენტობის კანდიდატი. ახლა უფრო გაბრაზებული და უფრო მონდომებული ვარ, ვიდრე ოდესმე ვყოფილვარ", - თქვა ტრამპმა რესპუბლიკური პარტიის ყოველწლიური შეხვედრის ძირითადი მიმართვისას.

თავის გამოსვლაში ტრამპმა ისაუბრა თავის კამპანიის დღის წესრიგზე, მათ შორის გეგმებზე, გააუქმოს ფედერალური დაფინანსება სკოლებისთვის, რომლებიც „აწესებს“ კრიტიკულ რასის თეორიას ან „მემარცხენე გენდერულ იდეოლოგიას“.

ტრამპმა ასევე ისაუბრა აშშ-ს სამხედროებზე და თქვა: ”ჩვენ გვყავს შესანიშნავი ჯარი, მაგრამ ასევე, სისტემის ნაწილი რამდენიმე სულელი მაღალჩინოსანიცაა”. 

ამავდროულად, დონალდ ტრამპი, რომელიც რესპუბლიკური პარტიის ერთადერთი ოფიციალურად გამოცხადებული კანდიდატია, ნიუ-ჰემფშირის უნივერსიტეტის მიერ ჩატარებული ახალი გამოკითხვის მიხედვით, 12 ქულით ჩამორჩება მის, დიდი ალბათობით, მთავარ ოპონენტს, ფლორიდის გუბერნატორ რონ დესანტისს.

ავტორი: ექსპრესნიუსი,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა