ხაჭაპურიძე - თუ ექსპერტიზის დანიშვნა უნდოდა სამხარაულს, სააკაშვილი უკვე წელიწადი და ოთხი თვეა პატიმარია და თავისუფლად შეეძლოთ

2023-01-27 22:25:57, 734 ნახვა

სამართალი

თუ ექსპერტიზის დანიშვნა უნდოდა სამხარაულს, სააკაშვილი უკვე წელიწადი და ოთხი თვეა პატიმარია და თავისუფლად შეეძლოთ, - ამის შესახებ მიხეილ სააკაშვილის ადვოკატმა, შალვა ხაჭაპურიძემ განაცხადა.

მისივე თქმით, ხელისუფლების მხრიდან ხდება ყველანაირი მცდელობა, რომ გადაფარონ რეალობა და სიტუაცია თავიანთი გადმოსახედიდან წარმოაჩინონ.

მან დასძინა, რომ სასამართლო პროცესების გაჭიანურების გამო, 7 მოწმე მოიხსნება და დარჩება 5 მოწმე და ერთ ან ორ სხდომაში დასრულდება პროცესი.

"თუ ექსპერტიზის დანიშვნა უნდოდა სამხარაულს, სააკაშვილი უკვე წელიწადი და ოთხი თვეა პატიმარია და თავისუფლად შეეძლოთ. ეს ყველაფერი არის მცდელობა, რომ რამენაირად გადაარჩინონ სიტუაცია თავიანთი გადმოსახედიდან , ანუ რამენაირად არ გაუშვან მიხეილ სააკაშვილი. 7 მოწმეს მოვხსნით, დაგვრჩება 5 მოწმე და იმ 5 მოწმიდან ერთ სხდომაში, ან ორ სხდომაში დავასრულებთ", - განაცხადა ხაჭაპურიძემ.

ავტორი: ექსპრესნიუსი,