აშშ-ის ოფიციალური პირები ახორციელებენ ზეწოლას თურქეთზე, რომ ქვეყანამ აუკრძალოს რუსულ ავიაკომპანიებს აშშ-ის წარმოების თვითმფრინავების თურქეთიდან და უკან ფრენა, - იტყობინება The Wall Street Journal.

მათი თქმით, აშშ-ის ოფიციალურმა პირებმა გასულ თვეში გააფრთხილეს ანკარა შედეგების შესახებ, თუ თურქული სტრუქტურები მომსახურებას გაუწევენ რუსულ (ასევე ბელორუსულ) გადამზიდველებს. ისინი აფრთხილებენ, რომ თურქეთის მოქალაქეებს ემუქრებათ პატიმრობა, ჯარიმები, საექსპორტო პრივილეგიების დაკარგვა და სხვა დამსჯელი ღონიძიებები, თუ ისინი უზრუნველყოფენ საწვავის შევსებას და სათადარიგო ნაწილებს ამერიკული წარმოების თვითმფრინავებისთვის, რომლებიც დაფრინავენ რუსეთიდან და ბელორუსიიდან. ეს არღვევს გასულ წელს დაწესებულ ექსპორტის შეზღუდვებს, - აღნიშნულია გამოცემის პუბლიკაციაში.

1 ოქტომბრიდან რუსეთისა და ბელორუსის ავიახაზებმა, მათ შორის აეროფლოტმა, 2100-ზე მეტი ფრენა შეასრულეს ამერიკული წარმოების თვითმფრინავით თურქეთში, წერს გაზეთი საავიაციო ანალიტიკური კომპანიის Cirium-ის მონაცემებზე დაყრდნობით.

უკრაინაში ომის დაწყების შემდეგ, მსოფლიოს უდიდესმა თვითმფრინავების მწარმოებლებმა Boeing-მა და Airbus-მა შეაჩერეს სათადარიგო ნაწილების მიწოდება, ასევე შეწყვიტეს რუსული ავიახაზების ტექნიკური მომსახურება და მხარდაჭერა. მათ შეუერთდა Raytheon Technologies, რომელიც მოიცავს Collins Aerospace-ს. Boeing-მა ასევე შეაჩერა პილოტების მომზადება რუსეთში. ძრავების მწარმოებელმა CFM International-მა შეატყობინა რუსულ ავიაკომპანიებს რუსეთში თვითმფრინავის ნაწილების ყველა მიწოდების შეჩერების შესახებ. რუსული ავიახაზები იყენებენ დაახლოებით 800 CFM56 ძრავას. ისინი აღჭურვილია ყველაზე პოპულარული Airbus A320 და Boeing 737 თვითმფრინავებით.

ავტორი: ექსპრესნიუსი,

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება