კიევის საკრებულოს ვებგვერდზე დარეგისტრირდა პეტიცია, რომელიც რუსი მწერლის მიკოლა ლესკოვის სახელობის ქუჩის სახელის ჩანაცვლებას, გამოჩენილი ქართველი მსახიობის, მომღერლისა და უკრაინის მეგობრის ვახტანგ კიკაბიძის სახელით მოითხოვს.

პეტიციის ავტორის თქმით, ვახტანგ (ბუბა) კიკაბიძე უკრაინის ნამდვილი მეგობარია, რომელიც უკრაინას მხარს 2014 წლის შემდეგ უჭერს.

"ვახტანგ კიკაბიძე ცნობილი ქართველი მსახიობი და მომღერალი, უკრაინის ნამდვილი მეგობარია, რომელმაც მხარი დაუჭირა ჩვენი ქვეყნის დამოუკიდებლობისთვის ბრძოლას რუსეთის წინააღმდეგ ომში, მსახიობმა უარი თქვა რუსეთის მეგობრობის ორდენზე 2008 წლის აგვისტოში რუსეთის მიერ საქართველოს წინააღმდეგ წარმოებული ომის გამო. მას შემდეგ ის რუსეთში არ ყოფილა. 

ის უკრაინას მხარს უჭერს  2014 წლის შემდეგ რუსეთთან დაპირისპირებაში. 2019 წელს მან წარმოადგინა სპექტაკლი აღმოსავლეთ უკრაინის ქალაქებში ( ლისიჩანსკი, სევეროდონეცკი, რუბიჟნე) რუსი ბოევიკებისგან განთავისუფლების 5 წლისთავის საპატივცემულოდ. ის ასევე აქტიურად უჭერდა მხარს უკრაინას 2022 წლის 24 თებერვალს რუსეთის მიერ უკრაინაში მასობრივი შეჭრის შემდეგ“, - აღნიშნავს პეტიციის ავტორი.

შეგახსენებთ, ქართველი კინომსახიობი, საესტრადო მომღერალი, სცენარისტი და კინორეჟისორი 84 წლის ასაკში 15 იანვარს გარდაიცვალა. 

ვახტანგ კიკაბიძე იყო სსრკ-ის სახელმწიფო პრემიის ლაურეატი, მრავალი საერთაშორისო სიმღერისა და კინოფესტივალის ლაურეატი. კავალერი ორდენების: ღირსების, ვახტანგ გორგასლის III ხარისხის, ნიკოლოზ საკვირველთმოქმედისა და წმინდა კონსტანტინე დიდის ჯვრის რაინდი. თბილისის საპატიო მოქალაქე (1999). 1999 წელს მოსკოვში „ვარსკვლავების მოედანზე“ ჩაიდო მისი სახელობის ვარსკვლავი.

ავტორი: ექსპრესნიუსი,

სოციალური ქსელები

ენმ - „რუსულმა ოცნებამ“ ჩიქოვანის წინააღმდეგ ყოველგვარ ადამიანურ ზღვარს გადასული პროვოკაცია მოაწყო

ზურაბიშვილი - პოლარიზაციის დაძლევის პროცესში, ეკლესია ეროვნული თანხმობის მაგალითს უნდა გვიჩვენებდეს

მაკრონმა საპენსიო რეფორმის შესახებ ინტერვიუს დროს ძვირადღირებული საათი მოიხსნა - მას ფარისევლობაში ადანაშაულებდნენ

ზელენსკი - უკრაინა ვერ იწყებს კონტრშეტევას, რადგან საკმარისი იარაღი არ გვაქვს