2023-01-13 18:51:42, 1609 ნახვა

---

უკრაინის გენშტაბი - 24 საათის განმავლობაში, უკრაინის თავდაცვის ძალებმა ოკუპანტების თავდასხმები 17 დასახლებულ პუნქტში მოიგერიეს

"ბოლო 24 საათის განმავლობაში, უკრაინის თავდაცვის ძალებმა რუსი ოკუპანტების თავდასხმები 17 დასახლებულ პუნქტში მოიგერიეს.", - ამის შესახებ ინფორმაციას უკრაინის გენერალური შტაბი ავრცელებს.

განცხადების მიხედვით, გასული დღის განმავლობაში, რუსმა ოკუპანტებმა 5 სარაკეტო და 18 საჰაერო დარტყმა განახორციელეს. მათ დასძინეს, რომ უკრაინის მასშტაბით საჰაერო და სარაკეტო თავდასხმების საფრთხე კვლავ მაღალია.

"ბოლო 24 საათის განმავლობაში, უკრაინის თავდაცვის ძალებმა რუსი ოკუპანტების თავდასხმები მოიგერიეს ლუგანსკის ოლქის სტელმახივკას, მაკეევკას, ბილოჰორივკას და დონეცკის ოლქის სპირნეს, როზდოლივკას, სოლის, კრასნა ჰორას, პიდჰოროდნეს, ბახმუტის, კლიშივკას, პრედტეჩინეს, კურდიუმივკას, ვოდიანეს, ნეველსკეს, კრასნოჰორივკას, მარინკას და ველიკა ნოვოსილკას დასახლებულ პუნქტებში.", - განაცხადა უკრაინის გენერალურმა შტაბმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი