არ მგონია ახლა, რომ კიდევ საინტერესო იყოს რომელიმე პიროვნების, მათ შორის უცხოელი ყოფილი თუ ახლანდელი ჩინოსნის განცხადება იმასთან დაკავშირებით, რომ პატიმარი სააკაშვილი უნდა იხდიდეს თუ არა სასჯელს, - ამის შესახებ "ხალხის ძალის" წარმომადგენელმა, გურამ მაჭარაშვილმა განაცხადა.

მაჭარაშვილის შეფასებით, ნებისმიერი უცხოელი ყოფილი თუ მოქმედი თანამდებობის პირის განცხადება აღნიშნულ საკითხზე საქართველოს მოსახლეობისთვის მინიმუმ შეურაცხმყოფელი იქნება. 

"ყველამ იხილა პატიმარ სააკაშვილის სიმულაციები საჯაროდ, მერე მისივე ექსპერტის აღიარება, რომ ის ორ ბოთლ კონიაკს მიირთმევს ყოველდღე და ასეთ ვითარებაში ცარიელ ბოთლებს მერე ექთნებს ესვრის. ვნახეთ, რა მდგომარეობაშია ის ოროთახიან ლუქს პალატაში. ბუნებრივია, ამ ფონზე ნებისმიერმა თანამდებობის ყოფილმა თუ ახლანდელმა პირმა, მით უფრო უცხოეთიდან, რა განცხადებაც არ უნდა გააკეთოს, საქართველოს საზოგადოებისთვის ეს იქნება მინიმუმ შეურაცხმყოფელი, მაგრამ პოზიცია, ბუნებრივია, არ შეიცვლება იმიტომ, რომ საქართველო არის სამართლებრივი სახელმწიფო. ჩვენს ქვეყანას ნამდვილად უშლის ხელს პატიმარი სააკაშვილი, მაგრამ ახლა ვეღარც უშლის. რაც შეეხება ევროინტეგრაციას, ამაზე ნუ იღელვებთ. ევროინტეგრაციას ხელს ვერავინ შეუშლის", - აცხადებს მაჭარაშვილი.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მდინარაძე ქართველ ხალხს ცენზურის უფრო გამკაცრებას და აღსრულებას პირდება

მდინარაძე ქვეყანაში ცენზურის სამსახურის ამოქმედებას კრიტიკულ მედიას და ოპოზიციას აბრალებს

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა