რუსეთმა ბახმუტსა და სოლედართან, სავარაუდოდ, 20 000-მდე ჯარისკაცი დაკარგა,- ამის შესახებ უკრაინის პრეზიდენტის ადმინისტრაციის უფროსის მრჩეველმა, მიხაილ პოდოლიაკმა განაცხადა.

მისი თქმით, თავად რუსეთი დანაკარგებს არ ითვლის და მათთვის უბრალოდ პრინციპის საკითხია, რომ რაიმე დაიპყრონ.

„შეუძლებელია ზუსტად იმის თქმა, თუ რა ზარალი აქვს ამ მიმართულებით რუსულ ჯარს, მაგრამ ეს არ არის ათასი და ორი - ეს არის 10, 15 ან თუნდაც 20 ათასი ბახმუტზე და სოლედარზე შეტევის მთელი პერიოდის განმავლობაში. ისინი არ ითვლიან დანაკარგებს. მათთვის პრინციპის საკითხია, რომ რაიმე დაიპყრონ, რათა მომდევნო ორი კვირის განმავლობაში შესაძლებელი გახდეს იმის თქმა, რომ პირობითად აიღეს ქალაქ სოლედარის ჩრდილოეთი გარეუბნები, რომ სასტიკ ბრძოლებს აწარმოებენ სოლედარის ცენტრში, რომ ეს მოაგვარებს საკითხს შემდეგ უკრაინა დაეცემა",- განაცხადა პოდოლიაკმა.

პოდოლიაკის თქმითვე, შიდა აუდიტორიისთვის რუსები უკვე ერთი კვირაა საუბრობენ ეფექტურ პროგრესზე ბახმუტისა და სოლედარის მიმართულებით.

"მაგრამ მე ხაზს ვუსვამ, რომ ეს ასე არ არის - რუსები იბრძვიან ისევე, როგორც ადრე - ისინი სოლედართან ძალების დიდი რაოდენობის კონცენტრირებას ახორციელებენ, მაგრამ ეს არ გამოიწვევს ომში გარდატეხას. ერთადერთი, რის გამოც ვწუხვარ, არის ჩვენი ბიჭების რაოდენობა, რომლებსაც მინუს 17 გრადუს ყინვაში ავტომატების ხელში ჭერა დღეების განმავლობაში უწევთ, ძნელია, ჩვენ ხალხს ვკარგავთ, მაგრამ რუსეთი ვეღარ შეძლებს ამ ომის დინების თავის სასარგებლოდ შემობრუნებას",- დასძინა პოდოლიაკმა.

შეგახსენებთ, რომ მანამდე რუსეთის დაქირავებული ჯგუფის "ვაგნერის" ხელმძღვანელმა, ევგენი პრიგოჟინმა გაავრცელა ინფორმაცია, რომლის მიხედვითაც, მისმა ძალებმა სოლედარის აღება დაასრულეს.

ქალაქის აღების შესახებ ინფორმაციას უარყოფს უკრაინის პრეზიდენტი ვოლოდიმირ ზელენსკი. სახელმწიფოს მეთაურის თქმით, "დონეცკის მიმართულება დგას და ბრძოლა გრძელდება". 

სოლედარის შესახებ ცნობებს ავრცელებს CNN-იც, რომლის გადამღები ჯგუფიც ქალაქთან ახლოს იმყოფება. როგორც ჟურნალისტები ამბობენ, უკრაინა სოლედარში მძიმე ბრძოლებს აგრძელებს, უკან დახევის ნიშნები არ არის.

ავტორი: ექსპრესნიუსი,

სოციალური ქსელები

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი