სომხეთის პოლიციამ გიუმრიში, რუსეთის ფედერაციის 102-ე სამხედრო ბაზასთან ეროვნულ-დემოკრატიული პოლუსის მიერ ორგანიზებული საპროტესტო აქცია დაარბია. თავად ორგანიზატორების ინფორმაციით, დაკავებულია 100-ზე მეტი ადამიანი.

აქციის მონაწილეებმა მოითხოვეს აზერბაიჯანის მიერ გადაკეტილი ლაჩინის დერეფნის გახსნა, ერთადერთი გზა, რომელიც სომხეთს აკავშირებს რესპუბლიკასთან. გზა არცაში (მთიანი ყარაბაღი) რუსი სამშვიდობოების პასუხისმგებლობის ზონაშია.

„ე.წ. სამშვიდობოებისგან მოვითხოვთ გახსნას დერეფანი, რაზეც ისინი არიან პასუხისმგებელი. პუტინი მოქმედებს თურქეთთან და აზერბაიჯანთან ერთად სომხეთის წინააღმდეგ და პრემიერ-მინისტრი ნიკოლ ფაშინიანი არ იცავს ჩვენი ხალხის ინტერესებს“, - აცხადებენ ედპ. აქციაზე ხალხი გამოვიდა პლაკატებით "ძირს რუსულ-თურქული ოკუპაცია" და "მოვითხოვთ გაეროს სამშვიდობოებს არცახში". პოლიციამ ბაზასთან მისასვლელები გადაკეტა და აქციის მონაწილეები დააკავა.

12 დეკემბერს, დილით, გზა გადაკეტეს აზერბაიჯანის დროშის მქონე პირებმა, რომლებმაც განაცხადეს, რომ ეკოაქტივისტები იყვნენ. ისინი აცხადებდნენ, რომ ყარაბაღში სომხები უკანონოდ მოიპოვებენ რესურსებს და აზიანებენ გარემოს. თუმცა, მალე აქციის მონაწილეთა ნაწილი სამთავრობო უწყებებთან ასოცირებულ ადამიანად აღიარეს და ეკოლოგიური ლოზუნგები შეიცვალა პოლიტიკურით: „ყარაბაღი აზერბაიჯანია!“, „საუკეთესო ჯარისკაცი აზერბაიჯანელი ჯარისკაცია!“ BBC-ის ცნობით, გარეგნულად აქტივისტები არ ჰგავდნენ გარემოსდამცველებს, ზოგიერთი მონაწილე მასთან ბეწვის ქურთუკებით მივიდა.

მთიან ყარაბაღში ლაჩინის დერეფნის გადაკეტვის გამო, ჰუმანიტარული კატასტროფა დაიწყო, - ამის შესახებ მანამდე სომხეთის პრემიერ-მინისტრმა ნიკოლ ფაშინიანმა განაცხადა. სომხეთი ამაში აზერბაიჯანს ადანაშაულებს, რამაც, თავის მხრივ, რუს სამშვიდობოებს დააბრალა, რომლებიც 2020 წელს, 44-დღიანი ომის შემდეგ, არაღიარებული რესპუბლიკის ტერიტორიაზე შეიყვანეს.

ვარაუდობენ, რომ დაკეტვის შედეგად მთიანი ყარაბაღის მოსახლეობას „თავისუფალი გადაადგილების უფლება ჩამოერთვა“. სომხეთი აცხადებს, რომ აზერბაიჯანმა უხეშად დაარღვია სამმხრივი განცხადება, რომელშიც მათ გარდა რუსეთიც არის ჩართული. მისი თქმით, ლაჩინის დერეფანი რუსი სამშვიდობოების კონტროლს ექვემდებარება და აზერბაიჯანი მის გასწვრივ გადაადგილების უსაფრთხოების გარანტიას იძლევა.

ავტორი: ექსპრესნიუსი,

სოციალური ქსელები

ვიტკოფმა სამმხრივი ტექნიკური დონის მოლაპარაკებები გამოაცხადა

ALDE: ოცნება რეპრესიებს აღრმავებს - ევროკავშირმა უფრო მკაცრი სანქციებით უნდა უპასუხოს

კლანის წევრის რევაზ ნადარაიას ისტერიკა საკონსტიტუციო სასამართლოს სხდომაზე

გერმანიის საგარეო - საქართველოში პარტიების აკრძალვის საკონსტიტუციო სარჩელი შემაშფოთებელია