დღეს გასაჯაროვდება გეგმა, თუ როგორ ვიმოქმედებთ მიხეილ სააკაშვილთან დაკავშირებით,-ამის შესახებ აცხადებს რუსმა უფლებადამცველმა, მარკ ფეიგინმა განაცხადა.

ფეიგინი იმედოვნებს, რომ საქართელოს პრეზიდენტი, სალომე ზურაბიშვილი იპოვის შესაძლებლობას შეიწყალოს სააკაშვილი იმ საქმეზე, რომელზეც მას 6 წელი მიუსაჯეს.

„ჩვენ როგორც დაგპირდით, ველოდებით საქართველოს ხელისუფლების გადაწყვეტილებას სააკაშვილთან დაკავშირებით, ორშაბათს კი საჯაროდ გამოვაქვეყნებთ ჩვენ გეგმას თუ როგორ ვიმოქმედებთ. ჩვენ ვიმოქმედებთ, მაგრამ ამაში აუცილებლად დაგვჭირდება ყველა ჩვენი გამომწერის, ყველა ჩვენი მაყურებლის, მსოფლიოს სხვადასხვა რეგიონში, სხვადასხვა ქალაქში, სხვადასხვა ქვეყანაში და ყველა ჩვენი მხარდამჭერის ჩართულობა.

მე მოგიყვებით როგორ ვიმოქმედებთ, მაგრამ გაითვალისწინეთ, რომ თუ მიხეილ სააკაშვილის საკითის მოგვარება გვინდა, ამას დიდი ჩართულობა დასჭირდება. ჩვენ ვიმედოვნებთ, რომ საქართელოს პრეზიდენტი, სალომე ზურაბიშვილი მაინც იპოვის შესაძლებლობას შეიწყალოს იგი იმ საქმეზე, რომელზეც მას 6 წელი მიუსაჯეს“,- განაცხადა ფეიგინმა.

შეგახსენებთ, რომ სამი დღის წინ მიხეილ სააკაშვილმა რუს უფლებადამცველს წერილი გაუგზავნა, სადაც მესამე პრეზიდენტი წერს, რომ  პუტინმა მისი ციხეში მოკვლის ბრძანება გასცა და ის ნამდვილად ციხეში მოწამლეს.

ამასთან, ფეიგინმა მიხეილ სააკაშვილისგან მიღებულ წერილს უპასუხა და განაცხადა, რომ მესამე პრეზიდენტის დასახმარებლად გეგმა გააჩნია, თუმცა დაელოდება საქართველოს ხელისუფლების რეაქციას და თუ არაფერი მოხდება, მაშინ დაიწყებს მოქმედებას.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს