საზოგადოების ნებისმიერი წევრი, რომელიც დღეს ფიქრობს, რომ მას ეს არ ეხება, რომ ეს პოლიტიკური საკითხია, რომ საბოლოო ჯამში სააკაშვილს არაფერიც არ მოუვა - ეს, ჩემი აზრით, არასწორი, მაგრამ ბუნებრივი ფიქრებია, - განაცხადა პარტია "დროას" ლიდერმა ელენე ხოშტარიამ.

მისივე თქმით, თუ საზოგადოება არ შეეწინააღმდეგება, იმ პროცესებს, რაც მიხეილ სააკაშვილის წინააღმდეგ მიმდინარეობს, ავტომატურად ნიშნავს, რომ საზოგადოება წამებით სიკვდილს აკანონებს. მან დასძინა, რომ თუ ამ ყველაფერს არ შევეწინააღმდეგებით შეუძლებელია, რომ საზოგადოება გვერქვას.

"ამ პროცესში არ არის საკმარისი, ჩვენ ვთქვათ, რომ - აი, მე ხომ ვქენი, მეტი რა ვქნა. ყველამ და მასიურად გამოსავალი უნდა ვეძებოთ, იმიტომ, რომ საზოგადოების ნებისმიერი წევრი, რომელიც დღეს ფიქრობს, რომ მას ეს არ ეხება, რომ ეს პოლიტიკური საკითხია, რომ საბოლოო ჯამში სააკაშვილს არაფერიც არ მოუვა - ეს, ჩემი აზრით, არასწორი, მაგრამ ბუნებრივი ფიქრებია. ბუნებრივია, რომ შენ რაღაცნაირად არ გინდა, პასუხისმგებლობა მიიკარო, რომ შენ თვალწინ ადამიანი კვდება. მაგრამ, თუ ამ პასუხისმგებლობას არ ავიღებთ და არ გავიაზრებთ, რომ რეალურად ადამიანი ასე ჩვენ თვალწინ კვდება და თუ ამას არ შევეწინააღმდეგებით, ეს იმას ნიშნავს, რომ ქართული საზოგადოება წამებით სიკვდილს აკანონებს. ზოგადად, ცხოვრება როგორ უნდა გააგრძელო. თუნდაც, შვილს რომ საღამოს ელაპარაკები და რაღაც ფასეულობებზე ლაპარაკობ, რაზეც გინდა, რომ შენი შვილი გაიზარდოს - როგორ აუხსნი იმას, რომ აი, ასე, კი, ტელევიზორში ვუყურებდით, კვებოდა და ნუ, რავიცი, მე არ მეხებოდა. თუ ამას წინააღმდეგობას არ გავუწევთ, შეუძლებელია, საზოგადოება გვეწოდოს."

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს