ჰააგის სასამართლო რუსეთზე ზეწოლის ინსტრუმენტია,- ასე გამოეხმაურა ოკუპირებილი ცხინვალის მარიონეტული რეჟიმის ე.წ. დეპუტატი დავით სანაკოევი, რამდენიმე დღის წინ ჰააგის მიერ მიღებულ გადაწყვეტილებას.

სანაკოევის თქმით, საქართველოს მიერ სამხრეთ ოსეთზე თავდასხმის დროს, ოსეთი აღმოჩნდა მსხვერპლი, საქართველო კი აგრესორი.

„ის, რომ სისხლის სამართლის საერთაშორისო სასამართლოს გამოძიება ასე სწორედ ახლა დასრულდა, მიუთითებს იმაზე, რომ ეს საერთაშორისო ინსტიტუტი გამოიყენება როგორც რუსეთზე ზეწოლის ინსტრუმენტად. საქართველოს მიერ სამხრეთ ოსეთზე თავდასხმის დროს, ჩვენ აღმოვჩნდით მსხვერპლი, საქართველო კი აგრესორი, ახლა სისხლის სამართლის საერთაშორისო სასამართლოს სურს დამნაშავეებად ჩვენ გამოგვიყვანოს, რუსეთი კი -აგრესორად, რომელიც საქართველოს 2008 წლის 8 აგვისტოს დაესხა“,- განაცხადა სანაკოევმა რუსულ პროპაგანდისტულ მედია Tass-თან საუბრისას.

ცნობისთვის, სანაკოევი, აგვისტოს ომის დროს – ბრალდებულია ომის დანაშაულებში, კერძოდ კი მძევლების აყვანასა და მშვიდობიანი მოქალაქეების უკანონო გადაყვანაში.

შეგახსენებთ, რომ 16 დეკემბერს ჰააგის სასამართლოს მთავარმა პროკურორმა კარიმ ხანმა განაცხადა,  რომ აგვისტოს ომის საქმეზე გამოძიების ეტაპი დაასრულა, თუმცა გრძელდება მუშაობა მიხაილ მინძაევის, გამლეტ გუჩმაზოვისა და დავიდ სანაკოევის სასამართლოში წარსადგენად, რომელთა დაკავებაზეც ორდერები გაიცა.

განცხადების მიხედვით, გამოძიების დაწყებიდან, ოფისმა შეისწავლა მტკიცებულებები, რომლებიც შეიარაღებული კონფლიქტის ყველა მხარის მიერ სავარაუდოდ ჩადენილ დანაშაულებს უკავშირდებოდა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს