ევროკომისიის შეფასებით, რუსეთის აგრესიის შედეგად, უკრაინას 600 მილიარდი ევროს ოდენობის ზარალი მიადგა. ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.

ლაიენმის თქმით, რუსეთმა და მისმა ოლიგარქებმა უკრაინას ზარალი უნდა აუნაზღაურონ და დაფარონ ქვეყნის აღდგენის ხარჯები.

„რუსეთმა ფინანსურად უნდა გადაიხადოს იმ განადგურებისთვის, რომელიც მან გამოიწვია. უკრაინისთვის მიყენებული ზარალი ფასდება 600 მილიარდი ევროთი. რუსეთმა და მისმა ოლიგარქებმა უნდა აუნაზღაურონ უკრაინას ზარალი და დაფარონ ქვეყნის აღდგენის ხარჯები. ჩვენ გვაქვს საშუალებები, რათა ვაიძულოთ რუსეთს გადახდა. ჩვენ რუსეთის ცენტრალური ბანკის რეზერვებიდან 300 მილიარდი ევრო გვაქვს დაბლოკილი, ასევე გვაქვს გაყინული 19 მილიარდი ევროს ოდენობის რუსი ოლიგარქების ფული. მოკლე ვადაში, ჩვენ პარტნიორებთან ერთად შეგვიძლია შევქმნათ სტრუქტურა, ამ თანხის მართვისთვის და ინვესტიციისთვის, შემდგომ შემოსავალს ჩვენ უკრაინისთვის გამოვიყენებთ. როდესაც სანქციები მოიხსნება, ეს თანხები უნდა იქნას გამოყენებული იმგვარად, რომ რუსეთმა გადაიხადოს სრული კომპენსაცია უკრაინისთვის მიყენებული ზარალისთვის. ჩვენ ვიმუშავებთ ჩვენს პარტნიორებთან საერთაშორისო შეთანხმებაზე, რათა ეს შესაძლებელი გავხადოთ. რუსეთის საშინელი დანაშაულები დაუსჯელი არ დარჩება“,- განაცხადა ლაიენმა.

მისივე თქმით, ევროკავშირი ასევე იმუშავებს ჰააგის სასამართლოსთან რუსეთის მიერ ჩადენილი სამხედრო დანაშაულების გამოსაძიებლად სპეციალური ტრიბუნალის შექმნისთვის.

შეგახსენებთ, რომ ცოტახნის წინ უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთმა აგრესიაზე პასუხი უნდა აგოს, რისთვისაც სპეციალური ტრიბუნალია საჭირო.

ამასთან, სექტემბერში შეიქმნა სპეციალური სამუშაო ჯგუფი, რომელიც რუსეთის დანაშაულებებისთვის სპეციალური საერთაშორისო ტრიბუნალის შექმნის საკითხს განიხილავს.

ოქტომბრის დასაწყისში, ვოლოდიმირ ზელენსკიმ პარიზში საჯარო დებატების "ომი და კანონი" მონაწილეებს მიმართა და მოუწოდა სპეციალური ტრიბუნალის შექმნა, რათა რუსეთის ხელმძღვანელობა ომის გაჩაღებისთვის დაისაჯოს.

21 ნოემბერს ნატოს საპარლამენტო ასამბლეამ რუსეთის ფედერაცია ტერორისტულ ქვეყნად აღიარა.

დელეგატებმა ასევე მოითხოვეს რუსეთის ფედერაციის დანაშაულებებისთვის სპეციალური საერთაშორისო ტრიბუნალის შექმნა.

ავტორი: ექსპრესნიუსი,

სოციალური ქსელები

პაატა კვიჟინაძე ოპოზიციას - ყველა გადარიცხვა ხდება ამერიკული და ევროპული ბანკებით, თუ სანქცია დაწესდა, ვერაფერს გააკეთებს საქართველო

აგროდაზღვევის პროგრამის ფარგლებში დასაზღვევი სასოფლო-სამეურნეო მიწის ფართობი გაიზარდა

ვოლსკი - საქართველო აუცილებლად გახდება EU-ის წევრი და ვინც გაჰყვირის, რომ ამისათვის ეროვნული ინტერესების დათმობაა აუცილებელი, დასავლური კურსის დისკრედიტაციაში ის უნდა ვამხილოთ

Amnesty International - პოლიციამ მომიტინგეების წინააღმდეგ გადამეტებული ძალის გამოყენების გამო პასუხი უნდა აგოს