ზაპოროჟიეს ატომურ ელექტროსადგურთან რუსული დაბომბვა იმაზე მეტყველებს, რომ მოსკოვს არ ეშინია ბირთვული კატასტროფის შექმნის შესაძლებლობის. ამის შესახებ პენტაგონის მაღალჩინოსანმა „ამერიკის ხმასთან“ ინტერვიუში განაცხადა.

მისი თქმით, ბირთვული კატასტროფის შემთხვევაში დაზარალდება და არა მხოლოდ უკრაინა, არამედ მთელი რეგიონი.

„შეტევები ადასტურებს რუსეთის მზადყოფნას გაზარდოს ბირთვული უსაფრთხოების ინციდენტის რისკი, რომელსაც შეიძლება ჰქონდეს მავნე შედეგები არა მხოლოდ უკრაინაში, არამედ მთელ რეგიონში“, - განაცხადა აშშ-ის თავდაცვის დეპარტამენტის წარმომადგენელმა.

პენტაგონის კიდევ ერთმა წარმომადგენელმა თქვა, რომ  ZNPP-ის გარშემო ახლა ინტენსიური ბრძოლები არ მიმდინარეობს. 

მისივე თქმით, ვაშინგტონი აკვირდება ანგარიშებს იმის შესახებ, რომ რუსები, სავარაუდოდ, აპირებდნენ ZNPP-ზე კონტროლის გადაცემას ბირთვული ენერგიის საერთაშორისო სააგენტოსთვის.

”და თუ ისინი პასუხისმგებლობით გადასცემენ კონტროლს ატომურ ელექტროსადგურზე, ეს შესანიშნავი იქნება”, - დასძინა მან.

ამასთან, მან განმარტა, რომ ამ დრომდე სადგურს უშუალო საფრთხე არ ემუქრება.

ცნობისთვის,  მანამდე IAEA-ს ხელმძღვანელმა რაფაელ გროსიმ მოლაპარაკება გამართა როსტომის გენერალურ დირექტორთან ალექსეი ლიხაჩოვთან. 

შეხვედრა სტამბულში გაიმართა.

შეგახსენებთ, რომ 20 ნოემბერს რუსეთის ჯარებმა ზაპოროჟიეს ატომური ელექტროსადგურის ტერიტორიაზე ცეცხლი გახსნეს, სადგურის ინფრასტრუქტურაზე სულ მცირე 12 დარტყმა დაფიქსირდა.

ავტორი: ექსპრესნიუსი,

სოციალური ქსელები

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ

საფრანგეთში მომიტინგეებმა უსაფრთხოების ძალებს მოლოტოვის კოქტეილები ესროლეს - დაიჭრენ პოლიციელები - ვიდეო