21:30 - 31 Jan, 2023
რეკლამა/ხელმოწერა
2022-11-25 09:19:37, 605 ნახვა

ომი უკრაინაში
ICMP - ომის დაწყებიდან დღემდე, უკრაინაში 15 ათასზე მეტი ადამიანი დაიკარგა

დაკარგული პირების საერთაშორისო კომისიის (ICMP) შეფასებით , უკრაინაში ომის დაწყებიდან დღემდე, 15000-ზე მეტი ადამიანი დაიკარგა.

როგორც ICMP-ის ევროპის დირექტორმა მეთიუ ჰოლიდეიმ აღნიშნა, გაურკვეველია, რამდენი ადამიანი იქნა იძულებით გადაადგილებული, რამდენი დააკავეს რუსეთში ან რამდენი გარდაიცვალა. 

"15 ათასი კონსერვატიული შეფასებაა, იმის გათვალისწინებით, რომ მხოლოდ მარიუპოლში, ხელისუფლება ამბობს, რომ 25,000 ადამიანი დაიღუპა ან დაკარგულად ითვლება. რიცხვები უზარმაზარია და უკრაინის წინაშე არსებული გამოწვევები უზარმაზარია",- თქვა ჰოლიდეიმ. 

უკრაინაში დაკარგული პირების საქმეების გამოძიების პროცესი წლების განმავლობაში გაგრძელდება საომარი მოქმედებების შეწყვეტის შემდეგაც, დასძინა ICMP-ის დირექტორმა. 

უკრაინაში მიმდინარე ომის დროს, რუსი სამხედროები სისტემატურად სჩადიან ომის დანაშაულებს, რასაც საერთაშორისო ორგანიზაციების მრავალი მოხსენება ადასტურებს.

აშშ-ის ელჩმა გლობალური სისხლის სამართლის მართლმსაჯულების საკითხებში ბეთ ვან შააკმა თქვა, რომ არსებობს უამრავი მტკიცებულება იმისა, რომ რუსული საოკუპაციო ძალები სჩადიან სისტემატურ სამხედრო დანაშაულებს უკრაინის ყველა რეგიონში, რომელიც მათ კონტროლს ექვემდებარება. 

უფლებადამცველმა ორგანიზაცია Amnesty International-მა უკრაინის ომის შესახებ ახალ ანგარიშში რუსეთი კაცობრიობის წინააღმდეგ ჩადენილ დანაშაულში დაადანაშაულა. ეს ეხება უკრაინის ოკუპირებულ ტერიტორიებზე მშვიდობიანი მოსახლეობის იძულებით გადაადგილებას, დეპორტაციას და ფილტრაციას.

თვის დასაწყისში თავდაცვის მინისტრის მოადგილემ ანა მალიარმა განაცხადა, რომ საბრძოლო ზონის მონაცემები ყოველთვის ახლდება, თუმცა არსებული ინფორმაციით, დაახლოებით 7 ათასი უკრაინელი დაკარგულად ითვლება.

გარდა ამისა, პრეზიდენტის ადმინისტრაციის ცნობით, სრულმასშტაბიანი ომის დაწყებიდან რუსებმა უკრაინიდან 10,7 ათასზე მეტი ბავშვი გაიტაცეს. 




ავტორი: ექსპრესნიუსი,


სოციალური ქსელები
Transparency International - უნგრეთი ევროკავშირში ყველაზე კორუმპირებული ქვეყანაა
ხერხეულიძე ხაბეიშვილზე - მეგობარო ადრეულ ასაკში უნდა გვესწავლა, რომ პირადი წერილების გამოქვეყნებას, ორივე მხარის თანხმობა სჭირდება
უკრაინოს საგარეო - ხორვატიის პრეზიდენტი უკრაინის ტერიტორიულ მთლიაობას ფაქტობრივად ეჭვქვეშ აყენებს
პაპუაშვილი - კორუფციის აღქმის საკითხში საქართველო EU-ს 9 წევრ სახელმწიფოს და ყველა კანდიდატ ქვეყანას უსწრებს

ომი უკრაინაში

ვიდეო/LIVE

ლავროვი: დასავლეთის ზეწოლის წინააღმდეგ საქართველოს მთავრობის გამბედაობა პატივსაცემია












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics