გადაწყვეტილებები, რომლებიც არ ითვალისწინებს ყირიმის დეოკუპაციას, დროის კარგვაა,- ამის შესახებ უკრაინის პრეზიდენტმა, ვოლოდიმირ ზელენსკიმ Financial Times-თან ინტერვიუში განაცხადა.

ზელენსკის თქმით, ყირიმის ბედი საერთაშორისო დღის წესრიგშია. მან ასევე დასძინა, რომ რუსეთის დარტყმები უკრაინის სამოქალაქო ინფრასტრუქტურაზე მიუთითებს იმაზე, რომ კრემლი არ აპირებს მშვიდობიან მოლაპარაკებებს. 

„მე მესმის, რომ ყველა გაოგნებულია სიტუაციით თუ რა მოუვა ყირიმს. თუ ვინმე მზად არის შემოგვთავაზოს გზა ყირიმის დეოკუპაციისთვის არასამხედრო გზებით, მე მხოლოდ მომხრე ვიქნები... თუ გადაწყვეტილება არ ითვალისწინებს დეოკუპაციას და [ყირიმი] არის რუსეთის ფედერაციის ნაწილი, არავინ უნდა დაკარგოს დრო ამაზე. ეს დროის კარგვაა", - განაცხადა უკრაინის პრეზიდენტმა. 

გამოცემა აღნიშნავს, რომ დასავლეთის ზოგიერთი ქვეყანა შეშფოთებულია, რომ უკრაინის ნებისმიერი მცდელობა ყირიმის დეოკუპაციისკენ შეიძლება გამოიწვიოს რუსეთის მხრიდან სახიფათო ესკალაცია. დასავლეთში შიშობენ, რომ ამან შესაძლოა მოსკოვის მიერ ბირთვული იარაღის გამოყენებაც კი გამოიწვიოს.

ცნობისთვის, უკრაინის თავდაცვის სამინისტროს მთავარმა სადაზვერვო სამმართველომ აღნიშნა , რომ რუს ოკუპანტებს ჯერ არ აქვთ ორგანიზებული ევაკუაცია დროებით ოკუპირებული ყირიმის ჩრდილოეთ ნაწილიდან. თუმცა, ისინი აქტიურად აშენებენ თავდაცვას, როგორც დნეპრის მარცხენა სანაპიროზე, ასევე ჟანკოის რეგიონში.

ავტორი: ექსპრესნიუსი,

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება