უკრაინა აუცილებლად გახდება თავისუფალი ევროპის ნაწილი და სად იქნება საქართველო, ეს კითხვის ნიშნის ქვეშაა. - ამის შესახებ უკრაინის რადას დეპუტატმა, ოლექსი გონჩარენკომ, "მთავარი არხის" ეთერში განაცხადა.

მისივე თქმით, ხელისუფლების მხრიდან არ არსებობს მკაფიო პოზიცია, რომ უკრაინას მხარს უჭერენ.

"საქართველოს მთავრობის დამოკიდებულება, მმართველი ელიტის და ბიძინა ივანიშვილის დამოკიდებულება უკრაინაში მიმდინარე ომზე. ასევე იმ საკითხზე რომ 9-თვიანი ომის განმავლობაში საქართველომ ვერ გადაწყვიტა, რომელ მხარეს უნდა დადგეს. ნებისმიერ ადამიანს შეეძლო გადაეწყვიტა, ეს თუმცა საქართველოს მთავრობამ ეს ვერ გადაწყვიტა.
არ არსებობს მკაფიო პოზიცია, ამბობენ, რომ უკრაინას მხარს უჭერენ, თუმცა მხარს გვიჭერს ქართველი ერი, რომელსაც მე მადლობას ვუხდი "ძვირფასო ძმებო", თუმცა ამავდროულად საქართველოს მთავრობას არ უნდა სანქციების დაწესება და ეს ყველაფერი იმის ფონზე ხდება როდესაც საქართველოდან რუსეთის მიმართულებით სანქცირებული ტვირთი გაედინება - ამის შესახებ ევროპაში იციან და ეს საქართველოს ევროპულ მომავალზე აისახება.
დროთა განმავლობაში ჩვენ გავიგებთ ვინ სად იქნება. უკრაინა აუცილებლად გახდება თავისუფალი ევროპის ნაწილი და სად იქნება საქართველო, ეს კითხვის ნიშნის ქვეშაა. თუ ბიძინა ივანიშვილი იქნება ამის მიზეზი, მაშინ მის წინააღმდეგ უნდა ვიმოქმედოთ და ამის შესახებ ჩვენ ევროპარლამენტში ხმამაღლა უნდა ვისაუბროთ". - ნათქვამია განცხადებაში.

10 ოქტომბრიდან რუსეთის თავდაცვის სამინისტრო რეგულარულად ახორციელებს სარაკეტო თავდასხმებს უკრაინაში სამხედრო და ენერგეტიკულ ობიექტებზე და ამას უწოდებს პასუხს 8 ოქტომბერს ქერჩის სრუტეში ყირიმის ხიდზე მომხდარ აფეთქებაზე.

როგორც უკრაინის ხელისუფლებამ განაცხადა, 15 ნოემბერს რუსეთმა ომის დაწყების შემდეგ ყველაზე მასიური დარტყმა მიაყენა ქვეყნის ენერგეტიკულ სექტორს. უკრაინაში დაბომბვის ფონზე მოძრავი ჩაქრობა მიმდინარეობს. რუსეთის ფედერაციის პრეზიდენტის პრესმდივანმა დიმიტრი პესკოვმა უკრაინის ბევრ რეგიონში ელექტროენერგიის და სითბოს ნაკლებობა უწოდა კიევის ხელისუფლების ქმედებების შედეგი, მათ შორის მოლაპარაკებებზე უარს.

ავტორი: ექსპრესნიუსი,

სოციალური ქსელები

აშშ-მა ღაზას სექტორში ჰუმანიტარული დახმარება გაგზავნა

კულება - პარტნიორებს ესმით, რომ სასწორზე ბევრად მეტია, ვიდრე უბრალოდ უკრაინის მომავალი - მხარდაჭერის შემცირებას არ ველოდები

ზელენსკი - ყველა, ვინც ომის დაწყებიდან უკრაინის გმირის წოდება მიიღო, სახელმწიფოსგან საკუთარ საცხოვრებელს მიიღებს

ზურაბიშვილი - ქართველი მეომრები, რომლებიც უკრაინაში იბრძვიან, ქართულ ღირსებას წარმოადგენენ