21:59 - 31 Jan, 2023
რეკლამა/ხელმოწერა
2022-11-24 11:07:13, 426 ნახვა

მსოფლიო
ფაშინიანმა ОДКБ-ს სამიტზე დოკუმენტების ხელმოწერაზე უარი განაცხადა

სომხეთის პრემიერ-მინისტრმა, ნიკოლ ფაშინიანმა კოლექტიური უსაფრთხოების შეთანხმების ორგანიზაციის სამიტზე, ОДКБ-ს კოლექტიური უშიშროების საბჭოს დეკლარაციის პროექტსა და სომხეთისთვის დახმარების გაწევის ერთობლივი ღონისძიებების შესახებ დოკუმენტის ხელმოწერაზე უარი განაცხადა. აღნიშნულ ინფორმაციას "ეხო კავკაზა" მთავრობის პრესსამსახურზე დაურდნობით ავრცელებს.

პრემიერ-მინისტრმა სამიტზე სიტყვით გამოსვლისას ორგანიზაციას მოუწოდა, სომხეთის წინააღმდეგ აზერბაიჯანის ქმედებებს პოლიტიკური შეფასება მისცეს.

ფაშინიანის თქმით, "მოკავშირეებმა აზერბაიჯანისგან უნდა მოითხოვონ ჯარების გაყვანა სომხეთის ტერიტორიის აზერბაიჯანის მიერ ოკუპირებული ნაწილიდან", წინააღმდეგ შემთხვევაში „ეს შეიძლება ნიშნავდეს, ОДКБ-ს მოკავშირეების მიერ ვალდებულებებზე უარის თქმას".

სომხეთის ხელისუფლება აცხადებს, რომ სექტემბერში სომხეთისა და აზერბაიჯანის საზღვარზე შეიარაღებული შეტაკებების შედეგად, აზერბაიჯანელმა სამხედროებმა სომხეთის სუვერენული ტერიტორიის ნაწილი დაიკავეს. ბაქო აღნიშნულს უარყოფს და აცხადებს, რომ ქვეყნებს შორის საზღვრები დემარკირებული არ არის.

რუსეთის პრეზიდენტმა ვლადიმერ პუტინმა, რომელიც სამიტს ესწრებოდა, აზერბაიჯანსა და სომხეთს შორის სამშვიდობო ხელშეკრულებასთან დაკავშირებით იმედი გამოთქვა. 

კრემლის სპიკერმა, დიმიტრი პესკოვმა სამიტის შედეგების კომენტირებისას განაცხადა, რომ სომხეთის ОДКБ-დან გასვლა გამორიცხულია.

ცნობისთვის, ОДКБ-ს კოლექტიური უსაფრთხოების საბჭოს სხდომა სომხეთის დედაქალაქში გუშინ, 23 ნოემბერს  გაიმართა.

აღსანიშნავია, რომ ქვეყანაში სამიტის ჩატარებასა და ვლადიმერ პუტინის ერევანში ვიზიტს წინ უძღოდა საპროტესტო აქციები.

მიმდინარე კვირაში, ოპოზიციური პარტია "ეროვნულ-დემოკრატიული პოლუსის" ორგანიზებით გამართულ აქციაზე აცხადებდნენ, რომ სომხეთ-აზერბაიჯანის საზღვარზე მომხდარი შეტაკებების დროს, რუსეთმა და კოლექტიური უსაფრთხოების ხელშეკრულების ორგანიზაციამ სომხეთის დასახმარებლად არაფერი გააკეთეს.




ავტორი: ექსპრესნიუსი,


სოციალური ქსელები
რუსეთის პროკურატურამ ჟურნალისტ ნევზოროვისთვის 9 წლით სასჯელი მოსთხოვა
კულტურის სამინისტრო გელათზე - კვლევითი ცენტრის მეცნიერთა ვიწრო ჯგუფი პოლიტიკურ ნიადაგზე უპირისპირდება სამინისტროს
ირანის სასამართლომ ახალგაზრდა წყვილს ქუჩის ცეკვისთვის 10,5 წლით თავისუფლების აღკვეთა მიუსაჯა
Transparency International - უნგრეთი ევროკავშირში ყველაზე კორუმპირებული ქვეყანაა

ომი უკრაინაში

ვიდეო/LIVE

ლავროვი: დასავლეთის ზეწოლის წინააღმდეგ საქართველოს მთავრობის გამბედაობა პატივსაცემია












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics