ჩვენ ისევ ვუმეორებთ ჩვენს პარტნიორებს, რომ მხოლოდ უკრაინის ცის სრულად დაცვა უზრუნველყოფს როგორც უკრაინის, ასევე ევროპის უსაფრთხოებას რუსული აგრესიის შემდგომი ესკალაციისგან, - ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციულ ვიდეომიმართვაში განაცხადა.

ზელენსკის თქმით, რუსეთმა უკრაინაში ჩადენილი დანაშაულებისთვის პასუხი უნდა აგოს, რაც მყარი და ხანგრძლივი მშვიდობის გარანტიას შექმნის. 

"როდესაც ყველა მკვლელს და ჯალათს გაასამართლებენ, როცა მათი მეთაურები მიიღებენ სამართლიან სასჯელებს, როდესაც რუსეთი აანაზღაურებს თავისივე აგრესიით მიყენებულ ყველა ზარალს, ეს იქნება ძალიან მყარი საფუძველი ხანგრძლივი მშვიდობისთვის.

ჩვენ ისევ ვუმეორებთ ჩვენს პარტნიორებს, რომ მხოლოდ უკრაინის ცის სრულად დაცვა უზრუნველყოფს როგორც უკრაინის, ასევე ევროპის უსაფრთხოებას რუსული აგრესიის შემდგომი ესკალაციისგან და აუცილებლად უბიძგებს რუსეთს ომის რეალურად შეწყვეტისკენ. არა იმ პროპაგანდისკენ, რომელიც დღეს კრემლიდან ისმის, თითქოსდა მოლაპარაკებებისთვის მზადყოფნის შესახებ, სინამდვილეში კი, დროის მოსაგებად და ახალი დარტყმებისთვის ძალის მოსაკრებად, არამედ ნამდვილი მშვიდობისკენ”, - განაცხადა ზელენსკიმ.

ავტორი: ექსპრესნიუსი,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები