საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ პროგრამაში ჩართული, აჭარაში მცხოვრები 10 ყოფილი პატიმრისთვის ფარმაცევტულმა კომპანიამ PSP მედიკამენტების შესაძენი ვაუჩერები გამოყო.

როგორც „ექსპრესნიუსს“ დანაშაულის პრევენციის ცენტრიდან აცნობეს, ვაუჩერების ღირებულება 1500 ლარს შეადგენს. 

ბენეფიციარებს ვაუჩერები იუსტიციის სამინისტროს დანაშაულის პრევენციის ცენტრის დირექტორმა ჯონი კვინიკაძემ გადასცა.

„ყოფილ პატიმართა რეაბილიტაციისა და რესოციალიზაციის პროგრამის“ ბენეფიციარების მხარდაჭერის სურვილი, მაღალი სოციალური პასუხისმგებლობის ფარგლებში კომპანიამ PSP თავად გამოთქვა. საქართველოს იუსტიციის სამინისტროს დანაშაულის პრევენციის ცენტრის დირექტორის ჯონი კვინიკაძის ინფორმაციით, ვაუჩერები იმ ბენეფიციარებს გადაეცათ, რომლებიც ჯანმრთელობის პრობლემების გამო ყველაზე მეტად საჭიროებენ მედიკამენტებს და ასევე, სოციალურად დაუცველთა კატეგორიას მიეკუთვნებიან. „განსაკუთრებით აღსანიშნავია, რომ ფარმაცევტულმა კომპანიამ PSP, როგორც კი „ყოფილ პატიმართა რეაბილიტაციისა და რესოციალიზაციის პროგრამის“ შესახებ მიიღო ინფორმაცია, თავად გამოთქვა დიდი სურვილი, რომ გარკვეული წვლილი შეეტანა ყოფილი პატიმრების დასახმარებლად. იუსტიციის სამინისტროს დანაშაულის პრევენციის ცენტრი მიესალმება დიდი ბიზნეს კომპანიების მხრიდან სოციალური პასუხისმგებლობის ამგვარ გამოვლენას“, - განაცხადა ჯონი კვინიკაძემ.

ღონისძიება ბათუმის იუსტიციის სახლში გაიმართა. საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ ორი წელია „ყოფილ პატიმართა რეაბილიტაციისა და რესოციალიზაციის პროგრამას“ ახორციელებს, რომლის მიზანია ყოფილ მსჯავრდებულებისა და მათი ოჯახის წვერების დახმარება. ბათუმის იუსტიციის სახლში დანაშაულის პრევენციის ცენტრის ფილიალი 2014 წლის აგვისტოში გაიხსნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა