უკრაინაში ომის დაწყებიდან დღემდე, 100 000-ზე მეტი რუსი ჯარისკაცი დაიღუპა ან დაიჭრა. ამის შესახებ აშშ-ის შეიარაღებული ძალების შტაბების მეთაურთა გაერთიანებული კომიტეტის ხელმძღვანელმა, მარკ მილიმ განაცხადა.

ამერიკელი გენერალი ვარაუდობს, რომ კიევის ძალებსაც მსგავსი მსხვერპლი ექნებათ.

„თქვენ უყურებთ 100000-ზე მეტ მოკლულ ან დაჭრილ რუს ჯარისკაცს. იგივე, ალბათ, უკრაინის მხარეზეც“, - თქვა მილიმ ნიუ-იორკის ეკონომიკურ კლუბში გამოსვლისას. 

როგორც Reuters წერს, ომის მიმდინარეობის პერიოდში, მილის მიერ მოწოდებული მაჩვენებლები ყველაზე ზუსტია. 

ამერიკელმა გენერალმა ასევე თქვა, რომ არსებობს ომის დასრულებაზე მოლაპარაკებების შანსი და რომ სამხედრო გამარჯვება შესაძლოა ვერც რუსეთისთვის და ვერც უკრაინისთვის იყოს შესაძლებელი.

„უნდა არსებობდეს ორმხრივი აღიარება, რომ სამხედრო გამარჯვება, ალბათ, ამ სიტყვის ჭეშმარიტი გაგებით, შესაძლოა არ მიიღწევა სამხედრო საშუალებებით და ამიტომ თქვენ უნდა მიმართოთ სხვა საშუალებებს. აქ არის... შესაძლებლობა, მოლაპარაკების შესაძლებლობა“, - თქვა მილიმ.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება