24 ოქტომბერს უკრაინაში დაფინანსების არარსებობის გამო Starlink-ის გლობალური სატელიტური სისტემის 1300 ტერმინალი გაითიშა. ინფორმაციას CNN წყაროზე დაყრდნობით ავრცელებს.

არხის ცნობით, SpaceX ყოველ ტერმინალზე თვეში 2500 დოლარს იხდიდა, რის შედეგადაც უკრაინას სექტემბერში დაახლოებით 20 მილიონი დოლარის გადახდა მოუწია. ოქტომბრის დასაწყისში უკრაინის თავდაცვის სამინისტრომ სთხოვა დიდ ბრიტანეთს 3,25 მილიონი დოლარი გადაეხადა Starlink-ის სარგებლობისთვის, მაგრამ ბრიტანელებმა უარი თქვეს, იმ მოტივით, რომ დაფინანსების უფრო მაღალი პრიორიტეტებია.

„ჩვენ ვინარჩუნებთ უამრავ ტერმინალს, რომლებსაც პირდაპირი ტაქტიკური მნიშვნელობა აქვს უკრაინელი სამხედროებისთვის რუსეთის შემოჭრის მოგერიებისთვის. ჩვენ განვიხილავთ და ვანიჭებთ პრიორიტეტს ყველა ახალ მოთხოვნას იმ მხრივ, თუ რა გავლენას მოახდენს შემოწირულობები უკრაინის მხარდაჭერაზე პუტინის შემოჭრისგან თავისი ხალხის დასაცავად“, - განუცხადა CNN-ს ბრიტანელმა ოფიციალურმა წარმომადგენელმა.

საერთო ჯამში, უკრაინაში Starlink-ის 20 ათასზე მეტი ტერმინალი მუშაობს. მათგან დაახლოებით 15000 შეიძინა აშშ-მ, დიდმა ბრიტანეთმა და ევროკავშირმა - ისინი ასევე აფინანსებენ მათ გამოყენებას.

ოქტომბრის დასაწყისში SpaceX-ის დამფუძნებელმა ელონ მასკმა გამოაცხადა, რომ Starlink-ის სერვისები და ტერმინალები მხოლოდ ნაწილობრივ იყო გადახდილი, რამაც SpaceX-მა დაახლოებით 80 მილიონი დოლარი დაკარგა. კომპანიამ სთხოვა პენტაგონს დაეკისრა დაფინანსება და აღნიშნა, რომ მას არ შეუძლია გააგრძელოს უკრაინის მხარდაჭერა კომპენსაციის გარეშე. თუმცა მასკმა მოგვიანებით დაწერა: „ჯანდაბა... მიუხედავად იმისა, რომ Starlink კვლავ კარგავს ფულს, მაშინ როცა სხვა კომპანიები მილიარდობით დოლარს შოულობენ, ჩვენ გავაგრძელებთ უკრაინის მთავრობის უფასოდ დაფინანსებას“.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა