რუსმა ოკუპანტებმა ღამით მიკოლაევზე S-300 რაკეტებით იერიში მიიტანეს. მიკოლაევის რეგიონული სამხედრო ადმინისტრაციის თავმჯდომარემ, ვიტალი კიმმა Telegram-ზე დაწერა, რომ დაბომბვის შედეგად საწყობი, საოფისე შენობა და მანქანები განადგურდა.

"3 ნოემბრის ღამეს, დაახლოებით, 23:30 საათზე, მტერმა მიკოლაივის ერთ-ერთ უბანს S-300 რაკეტები ესროლა. შედეგად განადგურდა საწყობი, ადმინისტრაციული შენობა და დაზიანდა იქვე მდგომი რამდენიმე ავტომობილი.  ხანძარი გაჩნდა სხვა საწყობში, რომლის ლიკვიდაციაც უკრაინის საგანგებო სიტუაციების სახელმწიფო სამსახურმა მოახდინა", - განაცხადა კიმმა.

მიკოლაევის რეგიონული სამხედრო ადმინისტრაციის თავმჯდომარის თქმით, 3 ნოემბერს მტერმა იერიში მიიტანა მიკოლაევის რაიონის პერვომაისკაიას თემის დასახლებაზეც ბაშტანის რეგიონში.

კიმის ინფორმაციით, გარდა ამისა, 3 ნოემბერს დაახლოებით, 14:30, ხოლო 4 ნოემბერს 04:45 საათზე  შიროკოვსკაიას თემის დასახლებაც დაიბომბა.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა