2022-11-02 09:28:21, 976 ნახვა
პოლიტიკა
ლავროვი - რუსეთი აქტიურად დაეხმარება სამხრეთ ოსეთს სოციალურ-ეკონომიკური განვითარების პროგრამის განხორციელებაში
რუსეთი აქტიურად დაეხმარება სამხრეთ ოსეთს რესპუბლიკის სოციალურ-ეკონომიკური განვითარების პროგრამის განხორციელებაში, - ამის შესახებ რუსეთის საგარეო საქმეთა მინისტრმა სერგეი ლავროვმა სამხრეთ ოსეთის ე.წ საგარეო საქმეთა მინისტრთან შეხვედრაზე განაცხადა.
მისი თქმით, რუსეთის ფედერაციის სახელმწიფო სათათბიროს თავმჯდომარის ვიაჩესლავ ვოლოდინის მოწვევით მზადდება სამხრეთ ოსეთის დე ფაქტო რესპუბლიკის პარლამენტის ე.წ თავმჯდომარის ალან ალბოროვის მოსკოვში ვიზიტი.
"საინვესტიციო პროექტები წარმატებით ხორციელდება. ახლახან მიღებულ იქნა სამხრეთ ოსეთის რესპუბლიკის სოციალურ-ეკონომიკური განვითარების პროგრამა. ჩვენ აქტიურად დაგეხმარებით მის განხორციელებაში", - განაცხადა ლავროვმა.
ავტორი: ექსპრესნიუსი,
epn.ge (@expressnews.ge)
