სამხრეთ კორეის პრეზიდენტმა იუნ სოკ-იოლმა და მისმა მეუღლემ ყვავილები შეამკეს სეულში ჭყლეტის შედეგად დაღუპულთა სპონტანური მემორიალი.
სულ მცირე 154 ადამიანი დაიღუპა შაბათს საღამოს, როდესაც ათასობით ადამიანი შეიკრიბა ვიწრო ქუჩაზე იტევონის რაიონში ჰელოუინის დღესასწაულის აღნიშვნის დროს.
ქვეყანაში ერთკვირიანი გლოვაა გამოცხადებული.
"ჩვენ უნდა დაგვეცვა ისინი. თავს დამნაშავედ ვგრძნობ, ეს ახალგაზრდები გავწირეთ", - ამბობს მემორიალთან მისული მოხუცი ქალი.
"როგორც ჩანს, ინციდენტი უსაფრთხოების ზომების არარსებობის გამო მოხდა და იმის გამო, რომ პოლიციამ ბრბოს ვერ გააკონტროლა. სასწრაფოდ უნდა გავაძლიეროთ უსაფრთხოების ზომები", - განაცხადა მეორე კორეელმა.

სამხრეთ კორეის დედაქალაქის მერმა ო სე-ჰუნმა ევროპაში მოგზაურობა შეწყვიტა და სეულში დაბრუნდა.

"საშინელია, რომ ამდენი ახალგაზრდა დაიღუპა", - განუცხადა მან ჟურნალისტებს და აღნიშნა, რომ ხელისუფლება აიღებს დაკრძალვის ორგანიზებას და დაზარალებულებს მკურნალობაშიც დაეხმარება. ათობით დაშავებული ქალაქის საავადმყოფოებშია მოთავსებული.

შაბათის ჰელოუინის ზეიმი იყო პირველი მნიშვნელოვანი საჯარო ღონისძიება, რომელიც მოეწყო კოროვირუსული შეზღუდვების მოხსნის შემდეგ. ამიტომაც შეიკრიბა ამდენი ხალხი იტაევონში.

ბოლო მონაცემებით, ტრაგედიას სულ მცირე 154 ადამიანის სიცოცხლე შეეწირა. მსხვერპლთა შორის არის 26 უცხოელი, მათ შორის ოთხი რუსი ქალი, ასევე შეერთებული შტატების, ჩინეთის, საფრანგეთის, ნორვეგიის, ყაზახეთისა და უზბეკეთის მოქალაქეები.

ავტორი: ექსპრესნიუსი,

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან