უკრაინამ და რუსეთმა სამხედრო ტყვეების მორიგი გაცვლა გამართეს. 52 უკრაინელი ჯარისკაცი სახლში დაბრუნდა,- აღნიშნულის შესახებ ინფორმაციას პრეზიდენტის ადმინისტრაციის ხელმძღვანელი, ანდრეი ერმაკი ავრცელებს.

ერმაკის თქმით, უკრაინამ მტრის ტყვეობიდან გაათავისუფლა ეროვნული გვარდიის 12 ჯარისკაცი, მათ შორის ორი "აზოვის" ჯარისკაცი, 18 სამხედრო საზღვაო ძალების სამხედრო მოსამსახურე, 8 მესაზღვრე, 9 თავდაცვის ჯარისკაცი, უკრაინის შეიარაღებული ძალების 3 ჯარისკაცი და 2 მშვიდობიანი მოქალაქე.

„აზოვსტალის დამცველები, მარიუპოლის დამცველები და ვინც ბევრის სიცოცხლე გადაარჩინა სახლში ბრუნდებიან. ჩვენ მოვახერხეთ ტყვეობიდან დაგვეხსან აზოვსტალში მყოფი მარიუპოლის სამხედრო ჰოსპიტალის ქირურგიული განყოფილების უფროსი და 65-ე სამხედრო ჰოსპიტალის ახალგაზრდა სამხედრო ქირურგი. ჩვენ ვაბრუნებთ საზღვაო ქვეითს, რომლის მეუღლეც ახლახან წავიდა ტყვეობიდან, და მოხალისე მარიუპოლიდან სიმბოლური გვარით "მოსკვა", ასევე მეზღვაური ზმეინის კუნძულიდან",- განაცხადა ერმაკმა.

მისივე თქმით, სახლში ბრუნდებიან ასევე ჩერნობილის ზონაში ტყვედ ჩავარდნილი ჯარისკაცები

შეგახსენებთ, რომ დღეს, 29 ოქტომბერს, "DPR"-ის ე.წ. ხელმძღვანელმა დენის პუშლინმა განაცხადა, რომ უკრაინამ და რუსეთმა პატიმრები 50-50 ფორმულით გაცვალეს .

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა