თუ არა ასეთი დაყროყინება, მე არ მგონია, რომ ყურადღება მიიქციოს, - ამის შესახებ "ქართული ოცნების" დეპუტატმა, გიორგი ვოლსკიმ ყოფილ პრემიერ-მინისტრსა და პარტია "საქართველოსთვის" თავმჯდომარეზე, გიორგი გახარიაზე განაცხადა.

როგორც ვოლსკიმ მედიის წარმომადგენლებს უთხრა, საზოგადოების დიდ ნაწილს გახარიას არსებობა დაავიწყდა.

"დაავიწყდა საზოგადოების დიდ ნაწილს გახარიას არსებობა პოლიტიკურ ველზე და თუ არა ასეთი დაყროყინება, მე არ მგონია, რომ ყურადღება მიიქციოს", - უთხრა ვოლსკიმ ჟურნალისტებს.

ცნობისთვის, გიორგი გახარიამ დღეს "იმედს" მიმართა და ტელეკომპანიისთვის მისაღებ ნებისმიერ ფორმატში საუბარი შესთავაზა.

"დავსხდეთ თქვენს ეთერში, მეორე მხარეს ივანიშვილი დასვით ან მთლიანად ის, რაც „ოცნებიდან“ დარჩა", - განაცხადა პარტია "საქართველოსთვის" თავმჯდომარემ.

გუშინ, 27 ოქტომბერს კი, ყოფილი პრემიერ-მინისტრი ამერიკის შეერთებული შტატების მიერ მოლდოველი ოლიგარქების, მათ შორის ვლადიმირ პლახოტნიუკის დასანქცირებას გამოეხმაურა.

გახარიამ Twitter-ზე დაწერა, რომ "კორუფცია და ოლიგარქია დემოკრატიის ყველაზე დიდი მტერია - ორივე უნდა დამარცხდეს საქართველოში". 

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times