ისრაელმა ხუთშაბათს დაამტკიცა აშშ-ს შუამავლობით გაფორმებული საზღვაო შეთანხმება ლიბანთან, რომელიც პრემიერ მინისტრმა იაირ ლაფიდმა შეაფასა, როგორც მოწინააღმდეგ სახელმწიფოს მიერ ისრაელის სახელმწიფოს ოფიციალური აღიარება.

ისრაელის მთავრობამ შეთანმხება ორივე მხარის მიერ ხელმოწერის ცერემონიამდე დაამტკიცა, მას შემდეგ, რაც ლიბანის პრეზიდენტმა, მიშელ აუნმა ხელი მოაწერა შეთანხმებაზე თანხმობის წერილს.

„ყოველდღე არ ხდება, რომ მოწინააღმდეგე სახელმწიფო აღიარებს ისრაელის სახელმწიფოს, წერილობითი შეთანხმებით, მთელი საერთაშორისო საზოგადოების თვალში“.- თქვა ლაფიდმა შეთანხმების კენჭისყრის მიზნით სპეციალური კაბინეტის სხდომის დაწყებისას.

”ყოველდღე არ ხდება, რომ შეერთებული შტატები და საფრანგეთი ჩვენს უკან დგანან და უზრუნველყოფენ შეთანხმების უსაფრთხოებისა და ეკონომიკის გარანტიებს”, - თქვა მან.

ლაფიდზე აშკარა პასუხში აუნმა განაცხადა, რომ შეთანხმებას „არ აქვს პოლიტიკური განზომილება ან გავლენა, რომელიც ეწინააღმდეგება ლიბანის საგარეო პოლიტიკას“.

ისრაელი და ლიბანი ტექნიკურად ჯერ კიდევ ომში არიან და შეთანხმება არ ეხება სახმელეთო საზღვარს. თუმცა, შეთანხმება განიხილება, როგორც ლიბანის, მათ შორის ძლიერი ტერორისტული ჯგუფის ჰეზბოლას მიერ ისრაელის მდუმარე აღიარება.

„ეს შეთანხმება აძლიერებს ისრაელის უსაფრთხოებას და ჩვენს თავისუფლებას ჰეზბოლას წინააღმდეგ და ჩრდილოეთიდან მომდინარე საფრთხეების წინააღმდეგ. იშვიათი კონსენსუსია მთელი თავდაცვის დაწესებულებიდან შეთანხმების მნიშვნელობაზე“. - თქვა ლაფიდმა და დასძინა, რომ შეთანხმება ასევე ეკონომიკური მიღწევაა.

საზღვაო შეთანხმებაზე ჰეზბოლას გარდა თანხმობაზე მიანიშნა ღაზის სექტორის მმართველმა დაჯგუფებამ, ჰამასმაც.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times