შევხედოთ მეორე კუთხიდან - ხომ არ აღელვებს მას ის ვითარება, რაც შექმნილია საქართველოში, - ასე აფასებს "ქართული ოცნების" დეპუტატმა, გია ვოლსკიმ  აშშ-ს სახელმწიფო დეპარტამენტის პრესსპიკერის მიერ საქართველოს შესახებ  გაკეთებული განცხადებები. 

მისი თქმით, ნედ პრაისმა უნდა დააკონკრეტოს, რა ასპექტში დაიხია ქვეყანამ უკან.

"ვთქვათ, ნედ პრაისი ამბობს ამას, მაგრამ შევხედოთ მეორე კუთხიდან - ხომ არ აღელვებს მას ის ვითარება, რაც შექმნილია საქართველოში? დაპირისპირების ეს ხარისხი, დაუჭიროს მხარი და თქვას, რომ ყველაფერი იდეალურად კეთდება, ეს ხომ არ ნიშნავს რომ წერტილს დაუსვამს ოპოზიციურ ფლანგს, რომლის ყოფნა-არყოფნის საკითხიც ამომრჩეველმა უნდა გადაწყვიტოს და საზოგადოებამ, მე არ ვამბობ რომ არაგულწრფელია.

მაინც რაღაც მოგვდევს ქედის მოხრით საუბარი, მაგრამ ეს არ ნიშნავს იმას, რომ ჩვენ სტრატეგიულ პარტნიორს პატივს არ ვცემთ. ვიკამათოთ მაგ თემაზე, ვისაუბროთ. თუ ნედ პრაისმა თქვა რომ ჩვენ რაღაცით უკან დავიხიეთ, მაშინ უნდა ვთქვათ საიდან დავიხიეთ უკან. იმ პერიოდიდან როდესაც ადამიანისთვის სიცოცხლის წართმევა ჩვეულებრივი ამბავი იყო თუ რომელი პერიოდიდან დავიხიეთ უკან, თუ იმ პერიოდიდან როდესაც ჩვენ ასოცირებული წევრები გავხდით, საკამათოა ეს თემა," - განაცხადა გია ვოლსკიმ.

შეგახსენებთ, რომ აშშ-ს სახელმწიფო დეპარტამენტის პრესსპიკერმა, ნედ პრაისმა გამართულ ბრიფინგზე განაცხადა, რომ "საქართველოში დემოკრატიის უკუსვლა ქვეყანას ევროატლანტიკური ინტეგრაციისგან აშორებს და ქვეყნის დემოკრატიას ასუსტებს". მისივე თქმით, საქართველოს მთავრობამ უნდა განახორციელოს აუცილებელი რეფორმები ევროკავშირის კანდიდატის სტატუსის მოსაპოვებლად.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times