ისრაელი უკრაინას სამხედრო შეიარაღებას არ გაუგზავნის, მაგრამ შეუძლია, შექმნას სამოქალაქო ადრეული გაფრთხილების სისტემა, - ამის შესახებ ისრაელის თავდაცვის მინისტრმა განაცხადა მას შემდეგ, რაც უკრაინამ თქვა, რომ  ისრაელს, საჰაერო თავდაცვის სისტემების - როგორიცაა რკინის გუმბათი - შესაძენად, ოფიციალურ ნოტას წარუდგენდნენ.

ბენი განცმა ასეთი ნაბიჯი გამორიცხა. 

„ისრაელი ახორციელებს უკრაინის მხარდაჭერის პოლიტიკას ჰუმანიტარული დახმარებით, სიცოცხლის გადარჩენის სისტემებითა და თავდაცვითი აღჭურვილობით, თუმცა მინდა, ხაზგასმით აღვნიშნო, რომ ისრაელი არ გადასცემს უკრაინას შეიარაღების სისტემებს სხვადასხვა ოპერატიული მოსაზრებების გამო. ჩვენ გავაგრძელებთ უკრაინის მხარდაჭერას ჩვენი შეზღუდვების ფარგლებში, როგორც ამას ვაკეთებდით აქამდე. დახმარების გაფართოებისა და სამაშველო აღჭურვილობის მიწოდების ფარგლებში, უკრაინის წარმომადგენლებთან საუბრის შემდეგ, ჩვენ მივმართეთ მათ მონაცემებისთვის, რომლებიც საშუალებას მოგვცემს, დაგვეხმაროს ისეთი ჭკვიანი განგაშის სისტემის მშენებლობასა და მიწოდებაში, როგორიც არის ისრაელში საჰაერო და სხვა საფრთხეების წინააღმდეგ. ასეთ სისტემას ექნება უპირატესობა მშვიდობიანი მოსახლეობის სიცოცხლის გადასარჩენად", - განაცხადა ბენი განცმა.

შეგახსენებთ, უკრაინის საგარეო საქმეთა მინისტრმა, დმიტრო კულებამ გუშინ განაცხადა, რომ უკრაინა ისრაელს საჰაერო თავდაცვის სისტემების გადაცემას  სთხოვს და ოფიციალურ ნოტას უგზავნის.

კულებას თქმით, ისრაელს დიდი ხანია მოუწოდებენ, საჰაერო თავდაცვის სფეროში თანამშრომლობისთვის გაიხნას. 

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა