თბილისის მერი დედაქალაქის მერიაში მთავრობის სხდომას განსხვავებული ფორმატით ატარებს. კახა კალაძემ ჟურნალისტებს მიმდინარე სხდომის დატოვება მოსთხოვა და განაცხადა, რომ 13 ოქტომბრის ტრაგიკულმა დღემ სრულიად შეცვალა, არათუ დედაქალაქის მთავრობის სხდომის დღის წესრიგი, არამედ მთლიანად ქალაქი. 

მთავრობის სხდომის პარალელურად, მერიის შენობასთან მისულები არიან საკრებულოს ოპოზიციონერი დეპუტატები. ისინი დილიდან ითხოვენ კახა კალაძესთან შეხვედრას და მათ კითხვებზე პასუხის მიღებას, თუმცა უსაფრთხოების სამსახური შენობის შიგნით არ უშვებს. 

როგორც თბილისის საკრებულოს ფრაქცია „ნაციონალური მოძრაობის“ წევრმა, ირაკლი ნადირაძემ განაცხადა, დღეს, მერი კიდევ ერთხელ დაემალა საზოგადოებას და კიდევ ერთხელ დაარღვია კანონი და პასუხგაუცემელი დატოვა კითხვები, რომელიც საზოგადოებას აქვს. 

"გუშინდელი სამარცხვინო საქციელის მერე, რაც კალაძემ ჩაიდინა და მართლა გაუგონარი სიბინძურე იყო ის სამარცხვინო პიარი. დღეს, კალაძე კიდევ ერთხელ დაემალა საზოგადოებას და კიდევ ერთხელ დაარღვია კანონი და პასუხგაუცემელი დატოვა კითხვები, რომელიც საზოგადოებას აქვს მთავრობის სხდომაზე. რატომ გააკეთა მან ეს? აი, მის დღის წესრიგს თვალი რომ გადავავლოთ, სადაც ამხელა ტრაგედიის ფონზე, პირველ საკითხად არის კონცერტის დაფინანსება, ხოლო მეორე საკითხად არის თემურ ყვითელაშვილის სოლო კონცერტის დაფინანსება, არის უბრალოდ ხალხის დაცინვა",- განაცხადა ნადირაძემ. 

ავტორი: ექსპრესნიუსი,

სოციალური ქსელები

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება