2022-10-12 17:45:09, 876 ნახვა

---

ლაიენი - ვაღიარეთ საქართველოს ევროპული პერსპექტივა - კანდიდატ ქვეყნებზეა დამოკიდებული ჩვენი კავშირისკენ წინსვლა

ჩვენ ვაღიარეთ საქართველოს ევროპული პერსპექტივა, - ამის შესახებ ევროკომისიის პრეზიდენტმა, ურსულა ფონ დერ ლაიენმა ბრიუსელში გამართულ ამბასადორიალზე სიტყვით გამოსვლისას განაცხადა.

ლაიენის თქმით, ევროპაში "ცვლილებების ქარმა კიდევ ერთხელ დაუბერა".

"უკრაინა და მოლდოვა ახლა კავშირში გაწევრიანების კანდიდატები არიან. ჩვენ ვაღიარეთ საქართველოს ევროპული პერსპექტივაც. ცვლილებების ქარმა კვლავ დაუბერა ევროპაში ისევე, როგორც 1970-იან წლებში, როდესაც ესპანეთმა, პორტუგალიამ და საბერძნეთმა აირჩიეს დემოკრატია, ან როცა თავისუფლებისთვის მებრძოლებმა ბერლინის კედელი დაანგრიეს. რა თქმა უნდა, კანდიდატ ქვეყნებზეა დამოკიდებული მათი ეკონომიკებისა და ინსტიტუტების რეფორმირება და ჩვენი კავშირისკენ წინსვლა, მაგრამ ჩვენი პასუხისმგებლობაა მათი მხარდაჭერა ყველა შესაძლო გზით. ეს არის ევროპის მომენტი და ჩვენზეა დამოკიდებული, გამოვიყენოთ ეს მომენტი", - განაცხადა ევროკომისიის პრეზიდენტმა სიტყვით გამოსვლისას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი