არ გაუვლია საბაჟო საზღვარი არც ტროტილით და არც სხვა ასაფეთქებელი ნივთიერებებით დატვირთულ ტრაილერს, - ასე ეხმაურება ფინანსთა მინისტრის მოადგილე, გიორგი კაკაურიძე რუსული მედიით გავრცელებულ ინფორმაციას, რომლის მიხედვითაც ტვირთმა, რომელიც ყირიმის ხიდზე აფეთქდა, საქართველოს ტერიტორიაზე გაიარა.

კაკაურიძის თქმით, არ არის ვალდებული, ოკუპანტების ბრალდებებს უპასუხოს.

"არ მაქვს არანაირი ვალდებულება, თავი ვიმართლო ვინმეს წინაშე. თუ ვინმე არგუმენტირებულად დაასაბუთებს, რომ გაიარა, ამ შემთხვევაში, გამოძიებაც დაიწყება და პასუხისმგებელი პირებიც იქნებიან. მე ვიცი, რომ საბაჟო საზღვარი არ გაუვლია", - უთხრა ჟურნალისტებს კაკაურიძემ.

შეგახსენებთ, რომ რუსეთმა, ყირიმის ხიდზე აფეთქების გამო, 8 ადამიანი დააკავა. როგორც პროპაგანდისტული "რია ნოვოსტი" რუსეთის უშიშროების ფედერალურ სამსახურზე (FSB) დაყრდნობით წერს, დაკავებულთა შორის 5 რუსი, 3 კი უკრაინისა და სომხეთის მოქალაქეა.

FSB-ს მიერ გავრცელებული ინფორმაციით, ყირიმის ხიდზე "ტერორისტული თავდასხმის" ორგანიზატორი უკრაინის თავდაცვის სამინისტროს მთავარი სადაზვერვო სამმართველო, მისი უფროსი კირილ ბუდანოვი, თანამშრომლები და აგენტები იყვნენ.

"აგვისტოს დასაწყისში, ტვირთი გაიგზავნა ოდესის საზღვაო პორტიდან ბულგარეთის ქალაქ რუსეში. ბულგარეთიდან იგი საქართველოში, ფოთისკენ პორტისკენ, შემდეგ კი სომხეთში გაემართა.

გადაცემაში მონაწილეობდნენ უკრაინის მოქალაქეები ციურკალო მიხაილ ვლადიმროვიჩი, კოვაჩი დენის ოლეგოვიჩი, სოლომკო რომან ივანოვიჩი, საქართველოს მოქალაქეები - ინოსარიძე სანდრო, ბროკერი სახელად "ლევანი" და სომხეთის მოქალაქე არტურ ტერჩანიანი", - წერს "რია ნოვოსტი".

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times