მინდა ბოლო 5 წლის მანძილზე თქვენს ტრანსფორმაციაზე ვისაუბრო, - ასე მიმართა "ქართული ოცნების" დეპუტატმა, ნინო წილოსანმა სახალხო დამცველს, რომელიც პარლამენტში წლიურ ანგარიშს წარადგენს. 

წილოსანის თქმით, ნინო ლომჯარიამ სახალხო დამცველის ინსტიტუტი პირადი პრეფერენციების გამოსახატავად აქცია და ხალხს მიხეილ სააკაშვილის დამცველად უფრო დაამახსოვრა თავი. 

"კრიტიკა რომ გიხაროდათ და თქვენს მხარდამჭერ უმრავლესობას პატივს სცემდით, ეს არჩევისთვის გამოყენებული ეშმაკური ხერხი იყო თუ ახლაც იგივე აზრზე ხართ? 

"კობახიძე სერიოზულ ფიგურად არ მიმაჩნია"-  თქვენ ვინ მოგცათ უფლება, რომ ხალხის მიერ არჩეული პოლიტიკური  ძალის თავმჯდომარეს ლეგიტიმაციას უწუნებთ ან კითხვის ქვეშ აყენებთ? თქვენთვის საკუთარი ხალხის ლეგიტიმაცია უფრო მნიშვნელოვანია თუ დასავლეთის მხრიდან ლეგიტიმაცია, რომელიც ასევე აქვს ჩვენ გუნდს და კობახიძეს. 

თქვენ სახალხო დამცველის ინსტიტუტი პირადი პრეფერენციების გამოსახატავად აქციეთ და ხალხს თავი სააკაშვილის დამცველად უფრო დაამახსოვრეთ",- განაცხადა წილოსანმა. 

ცნობისთვის, დღეს, პარლამენტში სახალხო დამცველს უსმენენ. ნინო ლომჯარია საკანონმდებლო ორგანოს წინაშე წლიური ანგარიშით წარსდგა.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times